Shillong, Jun 19: Meghalaya a•dokni buring bolgrimrangni bidingo segimin ki•tap kinggittam aro ‘Meghalaya Forest Fire Information System’ ine biming dongipa online portal-ko Budbar salo, Meghalaya a•dokni Chief Minister Conrad K Sangma, Main Secretariat-ni Cabinet Room-o oprake on•angaha.
A•dokni buring bolgrimrangni bidingo am•sandie chapa ka•gipa ki•tap kinggittamara, ‘Rotation Age and Volume Estimation of Khasi Pine in Meghalaya (Volume I)’, ‘Forest Inventory of Sacred Groves in Meghalaya (Volume III)’ aro ‘Geospatial Mapping of Forest Fire Vulnerable and Forest Fire Prone Areas in Meghalaya’ ong•a.
Ia ki•taprangko aro online portal-ko oprake on•angani somoio a•dokni Chief Minister jinmana aganprakangengon, a•dokni buring bolgrimrangni bidingo am•sandie segipa dolni manderangko mittelpilangenba, ia seanirango man•chapgipa Khasi pine tree, sacred grove (rongtalgipa bolgrim) aro forest fire ba buringrangko wa•al kamani bidingo agan-talatanirangko on•angjolaha.
Buringrangko wa•al kamanio kamrangko name ka•na man•na gita iandake see mesokanirangko nangengani giminba Chief Minister aganangaha.
Meghalaya a•dokni itihas, daka rikani aro man•e cha•ani bidingo am•sandina gita tangka paisarangko dakchake on•enggipa Chief Minister-ni Research Scholar Program-ni gimin toe aganangengon, research-rangko dakanichisa sorkarini kamrangkoba nambate chu•sokatna man•a ine Chief Minister parakataha.
Na·simang ia video-koba nina man·gen:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
