Guwahati, November 14: South Kamrup a•jani Vijayanagar sambao donggipa Rangamati mi a•palrango buringni mongmarang sal wal re•rame roenba batanggimin jarango bigha 30-mangni gita mi a•palrangko nisi galaha. Salni bakon buringni mongmarang bang•e mi a•palo dongani a•sel songni manderang mongma chadrapa man•a kene dongna nangao ga•akenga.
Kamala Sharma, Dimbeswar Sharma, Bhupen Mali aro Kailash Mali-maangni nokni barirang baksana bang•a ua jolo songdonggipa manderangni nokni barirangonaba mongmarang napdraaha.
Rangamati jolo songdonggipa manderangni u•iatani gitade, uamang Loharghat Forest Office-na baitaba chang mongmani barirango napani bidingo u•iatmanahachim aro da•alba uamang Rangamati jolona mongma bang•e re•baani gimin forest office-na u•iatahachim, indiba forest guard-rang re•bajaha.
Rangamati jolo songdonggipa manderang, Kamrup West Division-ni DFO-de Kukurmara jolona re•bae re•angpilaia, uamangni biaponade re•baja ineba u•iataha.
Iani gisepon, mongmarangko a•rike galanio apsan ku•monge kam ka•ani pal, forest department-ni gita “Beware of Elephants” ine sign board-kosa ge•gni songe donangskaaha.
Rangamati jolo songdonggipa manderang, forest office-ni chubatgipa gadango donggipa authority-ni manderangon, mongmaoniko naljoke rakkichina gita dabianiko dakahachim, maina Rangamati-ara mongmarangko dongchakram biapba ong•ja baksana ripinge dongipa buringba ong•jachim.
Rangamati ian bang•a manderangni songdongram biap damsa ong•a aro forest department-ni gita ia buringni mongmarangko a•rikgale galna gita maming pangkamgipa ja•ku de•aniko dakjagenchim ong•ode, re•baenggipa sal somairango mande aro mongmarangni gisepo nanggrikani ong•naba donga.
Na·simang ia video-koba nina man·gen:
Na·simang iakoba poraina man·gen: NEHU-ni VC, Shillong aro Tura Campus-na Pro VC-rangko songe on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
