Shillong, Mar 13: Ri Bhoi a•jani Byrnihat-ko a•gilsak gimiko balwa moila ong•batsranggipa biap ine mingahani gimin ia biapo balwarangni moila ong•aniko namatna gita Assam aro Meghalaya a•dok damgni nangrime kamko ka•gen ine Bristibar salo, Meghalaya a•dokni Chief Minister Conrad K Sangma ku•rachakaniko on•angaha.
Sangma-ni aganani gitade, Byrnihat-o karkanarangni a•sel balwarang moila ong•atako man•engani gimin ua ia biapo balwarangni moila ong•aniko namatanio apsan nangrime kamko ka•na gita Assam-ni Chief Minister Himanta Biswa Sarma-na seataha.
Byrnihat songjinmara Assam aro Meghalaya a•dok damgnini simao ong•gipa biap ong•ani gimin ia biapo balwa moila ong•aniko namatna gita a•dok damgnian nangrime kamrangko ka•gen ineba Sangma aganaha.
Assam aro Meghalaya a•dokni official-rang apsan tom•e chanchirimangani ja•man, Byrnihat-o balwarangni moila ong•aniko namatna dingtangmancha joint action plan-ko tarigen ineba Chief Minister parakataha.
Byrnihat-ko a•gilsak gimiko balwa moila ong•batsranggipa biap ine parakgipani bidingo talataniko on•angskaengon, iako 2024 bilsini IQAir’s World Air Quality Report-o pangchake parakaha ine Chief Minister aganaha.
Na·simang ia video-koba nina man·gen:
Na·simang iakoba poraina man·gen: Ma·sina man·gijagipa manderang sorkarini gariko so·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
