Guwahati, July 25: Re•anggipa July-ni 17 tariko, Assam Cachar a•jani Lakhipur police station-ni ning•o donggipa Bhubah Hills-o Assam police-rang baksa gogrikanio sia ine police-rangni a•kangenggipa Hmar chadambe sakgittamni manggisiko, July 26 tarikona kingking Silchar Medical College & Hospital-ni morgue ba manggisi donchakram biapo donkuchina Gauhati High Court, Cachar Police aro district administration-na ge•etaniko on•ataha.
Sakgittam Hmar chadamberang, chong•motan K Bethel songni bilsi 21 ong•gipa Lallungawi Hmar, K Bethel songni bilsi 33 ong•gipa Lalbiekkung Hmar aro Senvon Lailak songni bilsi 35 ong•gipa K Joshua Lalrinsang-ko July-ni 17 tariko, Assam police-rang, bobil dake chakatgipa manderang ine potchipenba goe galahachim.
Cachar Police-ni a•kangatani gitade, ia chadambe sakgittamko July 16 tarik attamni 4:30 bajimango, chakka samgittam donggipa gario songreengmitingo police-rang rim•ahachim aro uamango sing•sandion, uamangni gipin membor-rangba Bhubaneswar Hill-o dongnuchakenga ine ku•rachakahachim. Uandaken police-rang, July 17 tarik pringo Bhubaneswar Hill-ona re•ange, ua biapo dongnuchakenggipa bobil dolni manderangko chadrapeaha aro dolgni gogrikanio saknaa man•gipa bobil dolni mande sakgittamko rim•na man•aha ine police-rang parakahachim.
Indake ong•engon, Siemthang Hmar, Lalthavel Hmar aro Lalchunghnung-ni badi ka•anio pangchake Gauhati High Court-ni Division Bench, police-rangni post mortem report-ko ra•echina aro ra•eaha ong•ode July-ni 26 tariko kachario on•echina gita sorkari ukilna ge•etaniko on•ataha.
Kachario badi ka•doanggipa mande sakgittamni a•kangskaani gitade, ia chadambe sakgittamko Assam-ni sakdok police-rang, July 16 tarik attamni 4:30 bajimango Cachar a•jani Krishnapur Road-o donggipa Ganganagar Part-VI-oniko rim•aha aro ia chadamberangko July-ni 17 tarik pringo Kachudharam police station-oniko rim•ange goe galahachim.
Ia chadambe sakgittamni manggisirangko Assam-oni ong•gijagipa doctor-rangchi post mortem ka•na gita ge•etchinaba badi ka•doanggipa manderang, Gauhati High Court-ko mol•molaha.
Na·simang ia video-koba nina man·gen:
Na·simang iakoba poraina man·gen: Tura Matchakolgre-ni Multi-Facility Community Hall-ko Conrad nokdonggae on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
