Shillong, March 15: Bilsi 2017-18 aro 2021-22 bilsirangni gisepo, Comproller and Auditor General of India (CAG)-ni report on·gipao ming 250-na batpile niamgri teer number palani case-rangko u·ina gita man·aha. Iani gisepon, niamgri teer number palgiparangni kosako maming ja·ku de·anirang ba kajina gamatanirang dongjani a·sel tangka gong lakh 12.50 mangni gita noksankoba ong·ataha.

Meghalaya a·dok sorkari, Meghalaya Regulation of Gaming, Amusement, and Betting Tax (MRGAS&STT) Act, 2018 niamko name ra·gatjani gimin report-o matnangataha. Ian name nirokgijani aro niam pe·giparangni kosako ja·ku de·anirang donggijaniko mesoka. Department-ni gita niam pe·gipa manderangko bimung segatchina gita u·iatengon, Act-ni ning·o niamgri pala sim·anirangko dakgiparangna sasti-ko on·a u·iatani dongani gimin iade chu·ongjawa inenba, Comptroller and Auditor General of India (CAG) u·iatangskaaha.

Comptroller and Auditor General of India (CAG)-ni gita niam pe·giparangna rak·gipa sastiko on·china ku·pattian baksana, official-rang jemangan kamtangtangko name ka·jachim uamangni kosako ja·ku de·aniko dakchina gitaba janapataha.

Na·simang ia video-koba nina man·gen: 

Na·simang iakoba poraina man·gen: SWGH-o dingtang dingtang jatrangni chrokaniko mesokanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub