Tura, May 30: Assam Duphdara police station-ni ning•o donggipa Amguri A•chik songni Calvary Mission School-ni director saksa, skulni bilsi sokkugijagipa chatri sakgittamko hostel-oniko okamatenba kragija dake kal•ake roaha ine Garo Students Union (GSU) Adokgre regional unit matnangataha.
GSU Adokgre unit-ni parakatani gitade, ia a•selni bidingo koborko man•soani ja•man uamang ia chatri sakgittamko sing•sandienba, Bristibar salo GSU Assam State Zone, All Rabha Students Union (ARSU), Dainadubi Rajasimla Youth Council, jolni dingtang dingtang dolrang aro ia chatri sakgittamni ma•a paarangkoba okamate, ia a•selni bidingo chanchirimaha aro ja•mano uamang songni manderang baksa skulona re•ange, skulni director Kajal Udin-koba bichal ka•eaha.
Skulni director-ko bichal ka•on ua an•tangni dosrangko ku•rachakenba, chatri sakgittamo, uamangni ma•a paarango, NGO-rango aro songni manderango kemako bi•aha aro unbaksana mikkangchi iandakgipa kamrangko ka•taijana gita aro ka•genchimode uni kosako rakgipa sastirangko on•china ua an•tangan see on•aha ine GSU Adokgre regional unit-ni president Churik Momin parakataha.
Na·simang ia video-koba nina man·gen:
Na·simang iakoba poraina man·gen: Meghalaya-o Agniveer Recruitment-na entrance porikka seanio chu•gimik sak 206 pass ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
