New Delhi, May 31: Cambodia a·songni mande ra·beako man·na kragipa Raja, Norodom Sihamoni-ko a·songni President Ma Droupadi Murmu, mija Mongolbar salo Rashtrapati Bhavan-o mande ra·bee rimchaksoaha aro uko dingtangmancha mande ra·e a·songni President, aalanikoba dakangjolaha.
India a·songona ian skanggipa chang ong·e re·bachengenggipa Cambodia-ni Raja Sihamoni-ko rimchaksoengon, uni India a·songona re·baaniara a·song damgnini gisepo meli-nangrime kamko ka·anirango namen gamchataniko sakkichi mesokani gita ong·chongmota maina, India aro Camdodia a·song damgnini gisepo namen kim·kim ong·e meli-nangrimani gnang kamrangko ka·enga ine a·songni President parakataha.
Tangka-paisako botgrikanio aro bading-chiwalgrikanio India aro Cambodia a·song damgnian bil gnangipa ong·a ine President janapatenba, India aro Cambodia a·song damgni nangrime kamrangko ka·anichi, a·songo chel·chakanirangko on·ani a·bako India a·song tang·dodapatna gita nangnikenga ine parakatan baksana, a·song damgnini bak-rengsi ong·e kam ka·aniko mikkangchi bilakdapatna gita tourism-ni a·bako aro iano nangchape minggipin dakna nanganirangko apalbatatna gita jotton ka·na nangenganikoba ua parakangjolaha.
