Baghmara, Oct 27: South Garo Hills a·jani Baghmara-o ong·atanggipa Captain Williamson A Sangma Memorial Football Tournament-ni final ba bon·kamgipa kal·susaaniko Sukrobar salo ong·ataha aro ia bon·kamgipa kal·susaaniko Atong Matgrik FC aro Green FC dolrangni gisepo kal·susaangenba, ia robol kal·susaanio Green FC chegipa ong·aha.
Ia bon·kamgipa kal·susaanio, kal·a a·bachengaonin Atong Matgrik FC aro Green FC dolgnian, goal-rangko chipna gita kreengbee kal·ahaoba kal·a matchotaonan goal-rangko chipgrikna man·jaha aro uandaken bon·kamao dolgni penalty-ko dokgrikna nangaha. Penalty dokgrikanio Green FC chegipa ong·e gong lak 2 baksana trophy-ko boksis dake man·angaha.
Atong Matgrik dolba ia robol kal·susaanio gnigipa ong·e, gong lak 1 aro trophy-ko boksis dake man·aha.
Ia Capt Williamson A Sangma Memorial Football Tournament-ni bon·kamgipa kal·susaaniona Meghalaya Assembly-ni Speaker Thomas A Sangma, mongsonggipa sokgipa ong·e re·baaha aro unbaksana a·dokni Education Minister Rakkam A Sangma, Baghmara MLA Kartush R Marak, Chokpot MLA Sengchim N Sangma aro dingtang dingtang official-rangba bak ra·angtokaha.
Ia Capt Williamson A Sangma Memorial Football Tournament-ko ong·atna gita a·dokni Education Minister aro Rongara-Siju MLA Rakkam A Sangma an·tangan chu·gimik tangka paisarangko on·e dakchakaha aro ia football tournament-ko Captain Williamson A Sangma Memorial Committee jako ra·e ong·atskaaha.
Ia Captain Williamson A Sangma Memorial Football Tournament-ko 2018 bilsionin a·bachenge, Baghmara, Karukol, Siju aro uandakgipa dingtang dingtang biaprango bilsiantian ong·atenga.
Na·simang ia video-koba nina man·gen:
Na·simang iakoba poraina man·gen: Ampati-o Fit India Swachhta Freedom Run-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
