Tura, May 2: Captain Williamson Sangma State University-ko kulianio chagrongna nangenggipa dingtang dingtang neng•nikanirang, jekai university-ni a•a, bijoli, internet aro chirangko salani bidingo nipiltaina gita Sukrobar salo, dingtangmancha tom•aniko Balalgre-o donggipa University campus-o ong•atangaha.
Ia tom•anio, Capt Williamson Sangma State University-ni Vice Chancellor, Dr Vasanti Vijay Kumar, rimchaksoani kattarangko aganangengon, university-ko kulianio pilakni bakrimanikon nangenga ine didiani kattarangko aganangaha.
Ia tom•anio University-ni Registrar Ambrose Ch Marak, Power Point Presentation-ko on•angskaengon, university-ko kulina kam ka•anio chu•sokani aro neng•nikanirangko talate on•angaha.
Education department-ni Advisor HM Shangpliang-ba ia tom•anio aganprakengon, ia University-o chatro chatrirang name skie ra•na man•na gita dingtang dingtang neng•nikanirangko namatna nangengani gimin aganangaha.
Ia tom•anio, a•dokni Education Minister Rakkam A Sangma-ba aganprakengon, a•doko chubata gadangni lekka porako bilakbatatna sorkarini ka•enggipa kamrangni gimin janapangaha.
Rangsakona constituency-ni MLA Subir Marak-ba ia State University-ni bidingo an•tangni chanchianiko aganangengon, ia jolni chadamberangna namen gamchatbegipa university ong•enga ine matchotgija dongenggipa kamrangko ta•raken matchotatchina didiangaha.
Ia tom•aniko ong•atanio dingtangmancha security guard-rangni kamna aro Nokma-ni dedrangna on•gimin kamrangni appointment letter-rangkoba, a•dokni Education Minister, Education department-ni Advisor aro Rangsakona MLA-ni jakchi pakwate on•angjolaha.
Captain Williamson Sangma State University-ni dingtang dingtang kamrangko nipiltaina gita dingtangmancha Meghalaya sorkarini Secretary DD Sangma-ni dilanichi coordination committee-koba songe donangaha.
Indake ong•engon, re•baenggipa May-ni 7 tariko, ia State University-ni bidingo a•dokni Chief Minister Conrad K Sangma baksa Shillong-o tom•aniko ong•atangtaigen aro ia tom•anio a•dokni Education Minister aro gipin official-rangba bak ra•anggen.
Tom•a matchotani ja•man Captain Williamson Sangma State University-ni Registrar Ambrose Ch Marak, Hub News baksa agangrikengon, ia University-ni academic session-ko ia bilsini August ja dipetan a•bachenggnok aro iana syllabus, curriculum aro Prospectus-rangkoba tarimanaha ine parakataha. Ia State University-o bak ong•enggipa pilak college-ni principal-rang baksa uamang bakan tom•aniko ong•atanggen aro college-rangni result-rangko parakatani ja•man ba una skangan uamang advertisement-ko on•anggen ineba Marak parakataha.
Na·simang ia video-koba nina man·gen:
Na·simang iakoba poraina man·gen: WKH-o goera goanichi matchu mang 9 sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
