Shillong, Aug 30: A•a nokgiparang aro dingtang dingtang dolrang baksa niamrangko nambate ja•rikna man•na gita Meghalaya Protection of Catchment Area Act 1990-ko taridapna sorkari cholrangko nienga ine Sukrobar salo, Meghalaya a•dokni Chief Minister Conrad K Sangma parakataha.
Assembly Autumn Session-ni bon•kamgipa salo, dingtang dingtang MLA-rangni sing•anirangna aganchakaniko on•angengon, Meghalaya Protection of Catchment Area Act 1990-ni ning•o a•a nokgiparangni permission gride chibisikrangko tarina maming cholrang dongjani gimin ian namen neng•beani ong•enga, uni giminsa ia niamko taridape mangrakbatatna sorkari miksongenga ine Chief Minister parakataha.
Ia Meghalaya Protection of Catchment Area Act 1990-ko taridapna skang sorkari, songni nokni dilgiparang aro a•a nokgiparang baksa apsan chanchirimchenggen aro pilakni namnikani gitasa ia niamko taridapna man•na gita pilaknin agan-ku•pattianirangkoba ra•gen ine Sangma aganaha.
Chief Minister-ni talatani gitade, ia Act-ni ning•o advisory board-ni ku•pattiani aro a•a nokgiparangni permission-ko man•ani ja•man kragipa biaprangko catchment area ba mikka chirangko chimongram ine sorkari parakna bil dongachim indiba da•o dipet sorkarini catchment area ine mingna gita seokgimin pilak biaprangon a•a nokgiparangni permission-ko sorkari man•kujaenga.
Ia catchment area ba chibisikrangan, chiring-chibimarangko ong•ate, jillarangona, songrangona aro dingtang dingtang biaprangona chirangko on•skana sienggiparang ong•achim.
Mikkangchini namgnina ia niamko mangrakbatatanio sorkari baksa bakrime kam ka•china gitaba Chief Minister, Assembly membor-rangko aro a•a nokgiparangko didiataha.
Na·simang ia video-koba nina man·gen:
Na·simang iakoba poraina man·gen: A•dok sorkari Meghalaya Residents Safety and Security (Amendment) Bill, 2020-ni bidingo ma•mong sorkarini aganchakaniko nichaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
