Sukrobar salo, Meghalaya a•dokni Chief Minister, Tourism Vehicle scheme-ko a•bachengate on•angenba, ia scheme-ni ning•o bol 12 Innova Crysta garirangko tour operator-rangna pakwate on•angaha.

Sukrobar salo, Meghalaya a•dokni PHE Minister Marcuise N Marak, PHE-ni Additional Chief Engineer Sanjay Kumar Gajmer, Superintending Engineer Saljrang M Sangma, PHED Simsanggre Division-ni Executive Engineer Sujeet P Marak aro SDO Tengchrang G Momin baksa, Samanda-o dal•dapatenggipa Greater Water Supply Scheme-ko niangaha. Ia scheme-ara Jal Jeevan Mission 2021-ni ning•o ra•chakgipa scheme ong•a aro ian Samanda jolo donggipa dam 20 songni 1410 nokdangrangna ringani chiko on•enggipa scheme ong•achim.

Ia relief camp-rangko nieanio Rahul Gandhi baksa Congress-ni general secretary KC Venugopal, Manipur-ni gitcham Chief Minister Okram Ibobi Singh aro gitcham MP Ajay Kumar-ba dongpaaha.

Koborni gitade, ia obostara Bristibar walni somoio ong·na nanga ine chanchichipenga, jeni manggisikon Sukrobar pringchibara uni jakkalgipa motorcycle sambao ga·ake dongako songni manderang man·ahachim.

Shillong College baksana Directorate of Economics and Statistics nangrime, Bristibar salo, ‘Alignment of State Indicator Framework with National Indicator Framework for monitoring Sustainable Development Goals’ ine pangchakaniko donenba chang 17-gipa Statistics Day-ko a·dokni skotong Shillong-o maniangaha.

Ia rongtalataniko dakanio, manderangna rongtal an•tale dongna nangani gimin dingtangmancha awareness program-koba ong•atangjolaha.

Clubfoot ba ja•a gonggee atchigipa manderangna dingtangmancha Tura-ni National Health Mission-ni ning•o donggipa District Early Intervention Centre (DEIC)-ni gita, Bangalore songjinmaoni Dr. Chandramma Dayananda Sagar Institute of Medical Education and Research (CDSIMER) baksa nangrime surgery camp-ko Tura-ni Holy Cross Hospital-o ong•atenga.

Dras Battle Day-ko manianganio, Commanding Officer, Colonel Ksh John Singh aro Subedar, Major Matwar Singh-maag, janggitangko on·chake sianggipa sipairangko gisik ra·na tarigipa biapo pul bibalrangko done mande ra·aniko dakangaha aro uamangko gisik ra·anio, Unit-o dangdike on·enggipa sak 200 mang sipairangba bakko ra·angaha.

Ia wa•al kamanio adita sak manderangba saknaanirangko man•aha indiba buduko saltimgiparangde jokaha.

Lahowal assembly constituency-ko bon·atani kosako jegalenba, jingjengatgiparang Mongolbar salo National Highway-o tyre-rangko so·e jegalaniko dakangaha aro dokanrang gimikan chiptokahachim ine nikna man·a.