North Garo Hills a·jani Resubelpara sub urban-ni ning·o donggipa Khaldang Rongsrek-o rama tariatenggipako indita jaarangna kingking matchotatgija galchipenggipani bidingo A·chik Holistic Awakening Movement (AHAM), Sombar salo a·jani Deputy Commissioner-na badia ka·doangaha.

A·palchiniko ra·napbaenggipa na·tokrangoniko soatgijani samko nangana batpile jakkalenganiko rim·a man·angani bidingo, Food safety-ni Commissioner Pa RM Kurbah, na·tokrangko porikka ka·atani lab report-rangko department da·omitingde ra·chimongengkua aro iani ja·man chu·gimikko talatanirang baksa ia antini gisepon a·dok sorkarini jako on·anggen ine Sombar salo u·iatangaha.

Meghalaya a•dokona gipin a•dokrangoniko ra•bae palenggipa na•tokrango formalin samrangko man•ani ja•man gipin a•dokrangoniko na•tok ra•bae palaniko sorkari champengatahaoba, West Garo Hills a•jaode na•tokrango formalin samrang dongama dongja uko test ka•ani ba porikka ra•e niani ostrorang dongjae neng•nikanirangko chagrongna nangenga ine ma•sina man•aha.

Meghalaya a•doko drugs ba pekatgipa samrangko jakkalani aro niam gri badinganirang batroroengani gimin drugs jakkalani aro badinganiko champengna gita Sombar salo, Meghalaya a•dokni Social Welfare Minister Paul Lyngdoh, Police department aro gipin department-ni official-rang baksa tom•aniko ong•atangenba, advisory board-ko songe donangaha.

Ia Matramrangko, Ganol Hydel Project-ni dam samba jolona rona re·anggipa manderang nikchengenba video-rangko ka·e social media-rango watataha.

Ia summit ba tom·bimonganiko Kanyakumari-oni Vivekananda Kendra, Arunachal Pradesh sorkari baksa nangrime ong·atangaha.

Ia CDI-ni vision ba niksamsoe kam ka·aniara, manderangni kakket aro ka·saani gunrangko ja·rike janggi tanggipa songsalna kang·kare kae kam ka·anian ba dangdike on·anian ong·enga.

Koborni gitade, Tata Sumo bolsa adita sak manderangko gate Daporjio-oni Itanagar-chipakna mikkange re·angengmiting somoio pring 8 aro 9 bajimangni gisepo Kemliko song sambao a·sel-obostako chagrongahachim.

Manipur a·doko tom·tomaniko ra·bapilchina gita didie Cultural Fraternity-ni Coordinating Committee, dingtangmancha a·songni President-na sedoatna gitaba manchiangaha.

Police-rangni silchidarerangko ra·bae donangpilchina gita mol·molatengon, “Ka·sapae na·simangni ra·e katgipa silchidarerangko ia bakoso donangpabo” ine BJP MLA, English aro Meitei ku·sikrangchi see donataha