Guwahati, Feb 1: Central Bureau of Investigation (CBI), DB Stock Consultancy Ponzi Scheme-ni bimungo manderangoniko online gita tangka cha•boke cha•gipa Deepankar Barman-ni kosako gnigipa chargesheet-ko Guwahati-ni Special CBI Court-o segataha.

Barman, Assam a•dokni bakrango aro gipin dam bonga a•dokrangonikon gong crore 7,000 tangka paisarangko cha•boke cha•gipa ong•a. Uko 2024 bilsini October 27 tariko Goa-oniko Guwahati police-rang rim•aha aro ja•man CBI-na pakwatataha aro uko rim•ani sal 90 mangni gisepon uni kosako skanggipa chargesheet-ko segataha.

CBI-ni am•sandianio, Barman aro uni ripengrang chong•motan, Monalisha Das, Chabin Barman, Deepali Talukdar aro chartered Accountant Mukesh Agrawal, tol•gipa DB Stock Consultancy scheme-ko chalaiaha aro iano manderang gong 100-ni stamp paper-na koros ka•genchimode bang•a tangkarangko man•pilskagen ine cha•bokaha. Indake, bang•a manderang an ia tol•gipa  company-o koros ka•tokaha aro 2024 bilsini June gisepon, uamangni tangkako man•piljana a•bachengaha.

Iandake tol•anichi gong crore 400 mangni gita manderangchiko Barman cha•boke cha•aha. Indake Barman aro uni dolrang uamangni tangkako ra•e gimae katani ja•man, bang•a manderangan iano koros ka•e noksan ong•tokaha ine u•iaha.

Assam sorkarini mol•molani gimin, 2024 bilsini October 14 tarikoni dipet, CBI iani bidingo am•sandianiko Paltan Bazar Police  Station-oni a•bachengataha aro untalan, Barman aro uni dolrangni kosako bang•a chargesheet-ko segataha jekai, Banning of Unregulated Deposit Schemes (BUDS) Act, 2019 baksana Indian Penal Code-ni Criminal Conspiracy (Section 120B), Criminal Breach of Trust (Section 409), Cheating (Section 420) aro Falsification of Accounts (Section 477)-o pangchake mokordomako segataha.

Tangka paisarangko online gita cha•boke cha•gipa dolrangko rim•anio DB Stock Consultancy scam-na agreba gipin cha•bokgipa ming 41 dolrangko CBI rim•aha aro ming 20-na baten chargesheet-o case-rangko segataha.

Na·simang ia video-koba nina man·gen:

Na·simang iakoba poraina man·gen: Nongkrem-ni MDC Lambor Malngiang Sixth Schedule-ko bilakbatatna ku•mikcheta

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub