Guwahati, Mar 3: CBSE Class 12 Physics porikkako seanio ong•gija kamrangko ka•a ine matnangenba University of Science & Technology Meghalaya (USTM)-ni Chancellor Mahbubul Hoque-ni kosako ka•gipa minggni case-na Sombar salo Gauhati High Court, jaminko on•aha aro uni jaminna gnigipa bi•ani giminba Mongolbar salo High Court, raiko on•naba gnang.
Hoque-ni kosako Assam-ni Sribhumi a•jao donggipa Patharkandi police station-o badi ka•ani ja•man uko re•anggipa February 21 tariko, Ghoramara-o donggipa uni nokoniko rim•ahachim.
Sribhumi-ni Kendriya Vidyalaya-o tangkana chatro chatrirangko pass ong•atna ku•rachakaha ine matnangenba Hoque-ni kosako jolni circle officer, badi ka•ahachim.
USTM Chancellor-ni kosako minggni dake case-ko ka•aha aro gnigipa case (No. 55/2025)-ni bidingo Gauhati High Court, Sombar salo hearing-ko dakangaha.
Hoque-ni ukil Angshuman Barah-ni aganani gitade, Hoque-ni kosako ka•gipa minggni case-rangan Bharatiya Nyaya Sanhita (BNS)-ni ning•o ka•gipa case-rang ong•a.
Hoque-ko rim•ani ja•man, re•anggipa February 24 tariko, Sribhumi-ni Chief Judicial Magistrate-ni kachario mikkangpaataha aro unbaksana matnanga man•gipa gipin sakbonga manderang, chong•motan Hiramani Saikia, Bijoy Dutta, Rezzak Ali, Numaan Ahmed, aro Imdadur Rahman-ko salbrina police-rangni ning•o donataha. Police-rangni ning•o salbrina donako man•ani ja•man uamangko judicial custody-o donatskaaha.
Na·simang ia video-koba nina man·gen:
Na·simang iakoba poraina man·gen: South Garo Hills-ona rel ramarangko tariangchina MLA-rang didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
