Shillong, May 11: A·song damgnini simao aro Line of Control (LoC)-o ceasefire ba dolgnini gisepo gogrikaniko dontongna songgigrikaniko pe·aha ine Pakistan-na India-ni Foreign Secretary Vikram Misri mikrakataniko on·angaha.
A·song damgnini gisepo gogrikaniko dontongna songgigrikaoni baditaba kontani gisepon Pakistan, niamko pe·e gona a·bachengtaiaha ine Misri matnangataha.
“Iandake a·song damgnini gisepo songgrikaniko pe·jachina aro ia obostako name ja·rikchina chinga Pakistan-ko mikrakatengam,” ine Misri, External Affairs Ministry-ni gita kobor ra·timgiparangna talataniko on·anio aganaha.
Misri-ni parakatani gitade, Sonibar attamni 3:35 bajimango Pakistan a·songo donggipa Military Operation-ni Director General, India-ona phone ka·atenba, a·song damgnini gisepo gogrikaniko dontongna ku·mongatani ja·man songgigrikaniko dakangahachim aro attam 5:00 bajionin a·song damgnian gogrikaniko dontongani ong·ahachim.
“A·song damgnian a·ao, bangbango aro sagalrango gogrikanirangko attam 5:00 baji dipet dontongna songgigrikangaha aro a·song damgnini Director General-rang, May-ni 12 tarik salni 12:00 bajio agangrikangkuna tik ka·aha,” ine Misri aganaha.
Indake ong·engon, Sonibar walode Kashmir-ni a·kawe jolrango a·song damgnini gisepo songgigrikaniko pe·a dongjaha ine official-rang parakatskaaha.
Batanggimin saldokna ia jolrango gogrikanirangchi manderang kenjagoke dongna nangtokahaoba Sonibar walode skanggipa changna ia jolrango aircraft, missile aro drone-rangni gam·anirangko knana man·jaha ine official-rang aganaha.
Official-rangni u·iatani gitade, Sonibar walni 11:00 bajimangni ja·man Kashmir-ni LoC jolrango a·song damgnini gisepo songgigrikaniko pe·ani dongjaha aro ia pilak jolrangon tom·tomaniko man·piltaiaha.
Sonibar attamode, a·song damgnini gisepo songgigrikaniko pe·e Pakistan a·songni drone-rang, Kashmir a·kawe jolrango bilruraahachim indiba Sonibar wal 11:00 bajimangni ja·mande a·song damgnini gisepo niam pe·anirang dongjaha ine official-rang parakataha.
Na·simang ia video-koba nina man·gen:
Na·simang iakoba poraina man·gen: India aro Pakistan US ni golpodilanichi chandal mitugrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
