Tura, Mar 27: Tura-ni Garo Labour Corps Cenotaph-ko gital dake riktaianio, Garo Hills-o donggipa dingtang civil society organization (CSO)-rangni dabienga gita committee-ko songna Meghalaya a•dokni Chief Minister Conrad K Sangma, ku•rachakaniko on•angaha.

Bristibar salo, Mothers Union, GSMC, ACHIK aro dingtang dingtang dolrang, Garo Labour Corps-ni Cenotaph-ko gital dake riktaina miksongenggipani bidingo uko gronge agangrikeanio Chief Minister, ia ku•rachakaniko on•ataha.

Ia tom•anio Garo Hills-ni dingtang dingtang dolrang, Chief Minister baksa tom•e chanchirimengon, Tura-ni Babupara-o donggipa Cenotaph-ko pe•galahani gimin suk ong•gijaniko parakangenba, gital Cenotaph-ko riktaina kamko ka•anio, Cabinet Minister-ni dilanichi committee-ko songchina didiangtokaha aro uamangni nangnikenga gitan gital committee-ko songna Chief Minister, uamangna ku•rachakaniko on•ataha.

Tom•a matchotani ja•man dingtang dingtang dolni dilgiparang, Hub News baksa agangrikengon, ia tom•ani chu•sokgipa ong•ahani gimin an•tangtangni chu•ongnikaniko parakangaha aro uamangni nangnikanirangko chu•sokatna ku•rachakaniko on•ahani gimin Chief Minister-koba mittelpilangaha.

Ia cenotaph-ko taridapaniara, a•gilsak gimikni skanggipa dakgrikanio an•tangtangko on•kange France a•songona re•anggipa A•chik pagitchamrangko mande ra•na aro gisik ra•na mongsonggipa ja•ku de•ani ong•enga aro ia kamko chu•sokatanio uamangni nangnikani gita sorkari kamko ka•gen ine Garo Hills-ni dingtang dingtang dolrang ka•dongsotokenga.

Na·simang ia video-koba nina man·gen: 

Na·simang iakoba poraina man·gen: Umiam Dam-ko naljoke rakkina ja•ku de•enga: Power Minister

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub