Pune, Aug 2: Gangguoniko man·gipa sabisi Zika sagipako Pune-o man·ani koborrangko man·ani ja·man sabisini giprorogniko champengsoanio dakchakanirangko on·na gita Central team-ni sakgittam manderang bakan Maharashtra-china re·angaha.
Re·anggipa team-o dongpagiparangara Pune-ni Regional Director-oni saksa sana-bananio jaksrapgipa ba health expert, Lady Hardinge Medical College-oni saksa gynaecologist aro National Institute of Malaria Research-oni saksa jo·ongrangni gimin poraigipa ba entomologist iamang ong·a.
Ia team-an Zika sabisiko champengna ba nirokatna gita kam ka·chakatanirang donga ba donggijaniko nigrike state health department baksa nangrime kamko ka·gen aro manderangni an·seng-baljokanina nangchongmotgipa agan-ku·pattianirangkoba on·bajolgen ine health ministry-oni u·iataha.
Zika, ian rokomsa ganggu aedes aegypti-ni chikako man·aoni ong·katgipa sabisi ong·a jean dengue, yellow fever, aro West Nile sabisirangkoba ong·atna man·a. Ia sabisiko man·gipa bang·bata manderango adita saani chinrang jekai fever ong·ani, be·en dongtogijani, biritchu sa·dikani, aro be·en naa donganirangkoba nikna man·aha. Indake, ia sabisiara oko keenggipa ma·giparango ian bi·sana, uni taningna aro skona sabisiko batatgipaba ong·taiskaa.
