Shillong, April 25: Maharashtra, Nagpur-ni cha palgipa Dolly, jean dingtang bewalo cha tariani aro ganding chindingni gimin internet-o niksengako man•aha.
Sakantian ia video-rangko changsade nikmanenggnok, ia cha palgipara chingchetgipa miksilchirangko ganne, kni chadoate, sonani rikgitokrangko ganenba bluetooth earpiece ba nachilo tekkape git knagiparangko ganne aro me•asa ong•ani bewalko me•soke an•tangko namen dingtangata.
Uni ramasamo palgipa cha dokkan jekon Dolly Ki Tapri ine ming•achim, uni dingtang bewalo cha palaniko nina re•bagiparangni a•sel mande gapako nikronga. Dolly, salo gong sni dakgipa cha ko cup 500-rangko palna man•enga jekon chanatgenchim ong•ode gong 2500 ba gong 4000 tangkarangko salo man•enga.
Cha palana agreba, Nagpur-ni niksenggipa cha palgipa YouTube channel “Dolly Ki Tapri Nagpur” minggipa-ko chalaienga jeon 1.46 million subscriber-rang aro Instagram-o million 3-na batpilen follower-rang gnang.
Inditana poraia skia dongjagenchim ong•oba ia Nagpur-ni chonbegipa cha dokkan mingsing minggamako man•angaha. Uasan ong•aigija, a•gilsako man•e cha•batgipa Bill Gates-ba dingtang man•cha Dolly-ni tarigipa cha-ko ringe nina mangmang United States-oni bilbaaha.
Indake ong•engon, uni dingtangmancha cha tariani bewalrangni gimin matnanganirangko man•genchim ong•oba, bading chiwalanio chu•sokgipa ong•na MBA ba uandakgipa poraianirango chu•sokna nangja ine Nagpur-o cha palgipa sakki on•e mesokangaha.
Na·simang ia video-koba nina man·gen:
Na·simang iakoba poraina man·gen: South Garo Hills-o pong 340-na baten Anti-Aircraft gulirangko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
