Rongjeng, April 10: Tura Lok Sabha seat-na susaengon, NPP dolni susana sienggipa Agatha K Sangma-ko, cha•a ringani damrang rak•dugaani aro man•anirang komiani a•sel manderangni ka•o nangani, congress dolna voterangko ra•baatna dakchakgen, indake bilo ong•enggipa NPP-ni MDA sorkari-ko, a•doko kangal cholgri manderangko ra•dona kakket ong•e kam ka•anirangko me•sokchina gita Congress dolni susaenggipa candidate mikrakataniko on•ataha.
Congress-ni candidate Saleng A Sangma, East Garo Hills-ni ning•o donggipa Rongjeng-o tom•aniko ong•atenba antangna chakpaaniko am•na gita re•angaha, jeon NPP dolrang namen bilakbatengachim, indake ia tom•anio TMC aro BJP dolni bang•bea manderangba re•ange bakko ra•epaaha.
Tom•anio aganmiting somoio, “manderang da•o janggi tangna gita neng•nikanirangko chagrongna nangenga aro bang•bata manderangan, cha•ani ringani bosturang dam tangdororoani aro man•gnirangni komiani a•sel kangal ong•aona sokengaha. Uasan ong•aigija, banga ma•a paarangan school-rango gamna nanganirang baririkrikani a•selo gamna am•sokjaenba bi•sarang skulo poraina gita chol ong•jae poraianirangko dontongna nang•aona ga•akengaha,” inenba Saleng a•kange aganangaha.
“Mija bilsi mangmang election ong•o, merong bag 1 ni dam 800 sanchim, da•o ua apsan merongkon 1800 ra•na nangengaha, maikai indake ong•na ama? Ia tangka 1000 barianira, bariani ong•jama? Kangal mandena nanggitikode ia 1000 tangkaba mainabade choligenchim, mongsongbate nokni manderang sagitik ding•gitiko ian namen dakchakbeani ong•genchim,” ine Sangma aganangaha.
NPP sorkariko, cha•a ringani bosturangni dam rak•anirangko nirokgijanina mongsongbate a•dokni manderangni nangchongmotgipa cha•ani ba merongni damrang tang•doaniko nirok simsakjani gimin matnange ua aganangaha.
” Merongrang aro gipin cha•ani bosturangni damrang tangdororoani a•sel manderangko kangal cholgri ong•na draataona sokenga maina hajira kam ka•enggiparangni man•gnide apsanan ong•engkua. Janggi tanganio salanti nanggipa bostuni damrang tangdororoe, man•nanide apsan baibai ong•aiode mandera maikai janggi tangna aro nokdangko alduna gita man•gen? Na•a je dol ba party chongmotan NPP, BJP ba TMC naba pu•onbo darangan neng•nikanirangko man•enga maina ia neng•nikanirangko namatna gita maming ja•ku de•anirangko dakjaenga,” inenba Saleng matnange aganangkuaha.
“Songoba ong•ja maina, jillaoba ong•ja maina re•ange nibo, nokprakon sak 3 ba sak 4 bi•sarangoni sak 1 rangsan skul re•giparang ong•aia, una sing•aniko dakode ma•a paa koros man•chakja skul watna bi•sa gimikode ingipa kattarangko knana gita man•gen aro ian namen aiao inmanani ong•chongmota, aro anga antangba bang•a ia indakgipa obostarangko cha•grongbaaha,” inenba Saleng janapangaha.
Cha•a ringani bosturangni dam tang•doani, skulrango fee bariani aro kam ka•e cha•giparangna komie man•anirangna agreba, Congress dol, bijoli jakkalana bate gamna nanganirang bang•e sokengani gimin mai dake man•cha bill-rangko tarienga ine sing•doanirangko dakangaha.
“Bijoli na gamna nanganirang battanggimin bilsirangode 100 ba 200-rangsanchim, da•ode uan nokprakon 500 ba 1000-kosa gamna nangengjok jeni a•sel kangal cholgrirangsa nengnikanirangko man•batenga, uni gimin sorkari iani bidingo ja•ku de•anirangko dakna nangchongmotenga maina manderangde jean uamangni nengnikanirangko knachake kam ka•gipa sorkarinasa voterang-ko on•gen,” ine Saleng u•iatangaha.
Na·simang ia video-koba nina man·gen:
Na·simang iakoba poraina man·gen: Mawlai-o kam ka•e cha•gipa saksako so•otaniko NPP jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
