Gangtok, July 20: Cha•anirangko salbagipa garirangni re•ruraaniko dontongatengani gimin Jorethang-o donggipa Food Corporation of India (FCI)-o chimonge donenggipa cha•anirang bonchangangengani a•sel Sikkim-ni salgipeng jolrango cha•anina dilenganiko chagrongna nangengaha.
Jorethang godown-an Namchi, Geyzing aro Soreng a•jani godown-rangona cha•aniko sualgipa ong•achim. Indake ia godown-oniko japrako 15,352 quintal-mangni gita ia jolrangna merongko supply ka•rongachim, indake ong•genchimoba ia chango July ja jatchi ong•piloba 8,548 quintal-mangkosan salangna man•kuaiengachim.
State Food and Civil Supplies Department-ni Official-rangni aganani gitade indake ong•enganichi, godown-o chimonggipa cha•ani merongrang bon•asiaha aro ian National Food Security Act-o dongimin niamrangko pe•aniba ong•achim.
Ia cha•anirangni komiengani a•selara, ia wachi karini somoio mikkarang ni jime waenganina aro Teesta chibimani ditdororobaenganina National Highway-10 ramao re•ruraaniko sal 19 mangna dontongatengani a•sel ong•achim. Ia highway ramaan, Siliguri aro West Bengal-ni FCI godown-oniko Jorethang-ona cha•anirangko salangna gita nangchongmotgipa ramaba ong•achim.
Iani gisepon truck driver-rangba, ia July jani gisepo changsa ba changgnisan merongrangko salangkuaienga ong•jaode uamang salantian salangrongaiachim. Ia July jao chu•gimik truck bolsnisan salangkuaienga ine aganaha.
Indake cha•anirang bon•changanichi a•ja dam 3-ni manderangna neng•nikaniko on•engaha aro August jani gisepo truck bol 68-ni merongrangko nangdapenga. A•jao cha•anirangko chimonge dona man•a gita cha•ani salruraaniko dakjringna nangenga aro cha•ani chimongchakgipa nokkoba taridapna nangenga ine State Food and Civil Supplies Department parakataha.
Na·simang ia video-koba nina man·gen:
Na·simang iakoba poraina man·gen: Sikkim a•doko bilsi 72 ong•gipa me•chikmako so•otanina su•gipako rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
