Tura, July 13: Tura-ni Chambugong mahari association sonibar salo Walbakgreo donggipa Pastoral centre-o salsana A•chik jatni dakbewal rikbewalrangni bidingo skie on•ani ba seminarko on•angaha.
Ia skie on•anio mongsong batgipa kattabichongrangara A•chikrangni chengoni ja•rikbaenggipa kam aro dakbewalrang jekai Chawari sing•anirango chrarang maidake chawarirangko sing•na am•na nangachim aro uasan ong•aigija jatni dingtang dingtang mande sio bon•o maidake kamrangko ka•achim uarangni bidingo skie on•anirangko dakangaha.
Tom•anio Tura Chambugong Mahari Asssociation-ni Padot Pa Bensing Ch. Marak-ni Hub News-na janapatni gitade, ia tom•ani ba skie on•anio chambugong maharionisan ong•aigija bang•a dingtang dingtang Maharirangoniba sak 100 na baten bakko ra•angaha ine janapataha.
Uni janadapani gitade da•ororo bang•a A•chik chadamberangan jatni dakarikanirangko ma•siangjaengjok aro chra ong•e kamrangko ka•anioba maidake kattarangko, agan chengna bol chengna nangachim uandakgiparango sronge name kattarangko aro kamrangko ka•na sapangjaengjok ineba aganaha.
Tom•aniko Tura Chambugong Mahari Asssociation-ni Padot Pa Bensing Ch. Marak rimchaksoani kattangko aganenba Pamong Johnstellon Ch. Marak-chi Isolo bi•e abachengataha.
Tom•anio mongsonggipa agan skie on•angipa manderangara Pa, Wienson Ch. Marak, gitcham EM GHADC aro AGHCMA-ni Adviser Pa, Tejipson Ch. Marak, AGCCA-ni Arts & Culture Secretary aro Dengnakpara Village Court-ni Lasker Pa, Wilsan Ch. Marak ong•aha.
Na·simang ia video-koba nina man·gen:
Na·simang iakoba poraina man·gen: Kurung Kumey a•jani district administration chi ban re•anio nangchakea man•gipa songrangna dakchakaniko on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
