Imphal, Sept 04: Manipur a·doko songdonggipa Meitei aro Kuki-Zo jatrangni gisepo jagittam batpile kajia-golmal ong·angani gisepon, Assam Rifles Unit-ko Meitei officer saksa aro uamangni command Sehlon-ni ning·o Manipur-ni Chandel a·jao donatna gita chanchie ra·baenganiko Dingpi jolo songdonggiparang raken jegalsotokenba Sombar salo jingjengataniko dakangaha.
Meitei jatoni Assam Rifles officer-ko jegale, Hengshi songoba bang·a manderang tom·tokaha, uandake Hengshi-ni public ground-oni Hengshi -o donggipa Assam Rifles gate-ona kingking re·jomange jegalaniko dakangaha. Indake ong·engon, jingjengataniko dakna gita manchie Sehlon songoba jolni manderang bang·en tom·batokahachim, indiba ua biapo donatgipa Assam Rifles, uamangni jingjengatna am·aniko champengskaaha.
Unomiting, Khengjoi-ni Kuki Chief Association-ni secretary Pa Thangjamang Haokip, koborna aganangengon, a·doko da·o ong·enggipa kajia-golmalni obostarangko nigrike aro jatgnini gisepo ma·sisretgrikanirang ong·engon Meitei jatoni AR officer Sehlon-ko kamo donataniko chinga raken jegala, indiba Assam Rifles-ko biapo donatanikode chinga jegaljaenga ine parakataha.
“Ka·dongchakna man·gijianichi ian da·odipet Assam Rifles ming songni manderangni meli-nangrime dongenganiko golmal ka·a gitasa ong·aigen, maina indakmiting somoio Kuki jatrang bang·bate songdongenggipa a·jao Meitei officer-ko kamo donatanichi a·dokni obosta batesa namjabataona sokangskagen ine parakatan baksa, ia chingni dabianiko namrenge ra·genchimode, mikkangchi chinga da·ona bateba rakbate jingjengatangskagen ineba ua agandapataha.
Ia mamlani bidingo, Khengjoi-ni Kuki Chief Association, re·anggipa September 1 tariko, Meitei officer Sehlon-ni command-ni ning·o Assam Rifles-ko a·jao donataniko dontongatchengchina gita mol·molenba, Assam Rifles Shillong-ni Director General-na sedoanikoba dakangahachim ine nikatna gita man·gen.
Iakoba poraie nina man·gen: Manipur police-rangko mangrake rakkina training-rangko on·gen: Biren Singh
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
