Shillong, July 21: Sonibar salo, chang 133-gipa Durand Cup-ni Trophy sokbagipako mesokani gita Showcase aro Roadshow-ko, Meghalaya a•dok sorkarini dakchakanichi Indian Armed Force-rang ong•atangaha.
Ia Trophy-ni Roadshow-ko Deputy Commissioner Incharge Dolrich B G Momin, Tura Dakopgre-ni P A Sangma Stadium-o a•bachengate on•angaha. Ia Roadshow-ko P A Sangma Stadium-oni a•bachenge Nazing Bazar, Araimile, Tetengkol, Hawakhana, DC Office gita re•angenba Tura-ni Super Market Complex-ona dakangaha. Ia mingsingbegipa Durand Cup kal•susaaniko Meghalaya a•doko soka chakna siengon, ian an•chingna namen gisik ra•na krabegipa salba ong•enga.
West Garo Hills-ni Deputy Commissioner In-Chagre, Dolrich B G Momin, Durand Cup Trophy Showcase aro Roadshow-ko a•bachengatanio aganengon, India-ni dal•dalgipa Football Club-rangni aro gipin a•songrangni man•a sikgipa trophy-ni roadshow-ko ong•atna seokahanina demittele aganangan baksana, ian Garo Hills-ni manderangna ia mingsingbegipa Durand Cup-ni Trophy-ko nikrikpana gita janggi tangao changsa ingipa gita chol ong•paenga. Shillong songjinmao chang 6 kal•susaanirangko ong•atanggen aro ian Skotong songjinmao donggipa manderangna bilsi ritchasa batpilgimin gitcham kal•susaaniko nikpana cholba ong•gen, inenba ua parakataha. West Garo Hills-ni Deputy Commissioner Jagdish Chelani-ni seatgipa chittiko poraiatan baksana West Garo Hills-ni District Administration-ni palo, tournament-o bak ra•enggipa Lajong dol aro gipin dolrangna ua nama skaniko on•ataha.
Battanggimin salo ong•atanggipa Tura Football League-ni final-ona sokdogipa dolgni chongmotan, Chipakkore FC aro Selsella FC dolrangkoba ia flag off ceremony ba a•bachengatani salo P A Sangma Stadium-o jinmana mesoke on•angaha.
Iani gisepon, Tura-ni Super Market Complex-o ong•atgipa program-o, Meghalaya Legislative Assembly-ni Speaker, Thomas A Sangma, India aro Asia-o gitchambatgipa tournament-ko, Meghalaya a•doko skanggipa changna ong•atna siengani gimin sakantian rasong chana nanga ine aganangaha.
Shillong-ni Jawaharlal Nehru Stadium-o ong•atna sienggipa tournament-ni ticket-rangko skang ra•gipa sak 5 manderangna, Tura-ni Super Market-o tom•anio mongsonggipa sokgipa aro gipin mande ra•ako man•a kragipa manderangni jakchi suale on•angaha.
Ia tom•aniko ong•atanio, Lajong dolna nama skaniko on•ani bak gita signature campaign-koba ong•atangaha.
Na·simang ia video-koba nina man·gen:
Na·simang iakoba poraina man·gen: Jachanggiparangko rimbana India-Bangladesh sima ariko salang walang oe dongen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
