Goalpara, Dec 16: Goalpara a•jani Rampur-o sal 3-na ong•atenggipa chang 15-gipa ‘Under the Sal Tree’ Theatre Festival-ko Badungduppa Kalakendra, Robibar pringni bakoni a•bachengataha. Ia manianiko ong•atenganiara, ia dolko a•bachengataoni bilsi 25 gapaniko gisik ra•anian ong•a.
Ia sal 3-na ong•atenggipa manianiko, noksa salna sapanio mingsingako man•gipa Rabiram Brahma oprake on•angaha. Indake a•bachengatani salo, Managing Director Madan Rabha-ni segiminko Dhananjay Rabha-ni tarigipa “Dadan Raja” (Rabha) dakmesokaniko stage-o dakmesokangaha. Ia dakmesokani, Rabha jatrangni dakbewal rikbewalrango apalbeani gimin aro uamangni itihas-o niksengbegipa Rabha-rangni Raja, uni ka•o nangrakani a•sel rang•gitik siani gimin nangchape tarigipa ong•a.
Indake salpaksao, Pabitra Rabha-ni tarigipa “Monglee” (Bodo) dakmesokaniko, Dapon the Mirror dolni dakmesoke mesokaniko nikangna man•skaaha. Ia dakmesokaniara, songadam aro songjinmarango katchae ba duk ong•e janggitangani dingtanggrikani gimin tarian baksa Bodo jatrangni chrokmesaaniko man•chape tarigipa ong•a.
Ia dolgni ni dakmesokanirangko, doka dam•ani git ring•ani aro chrokmesaanirangko nike kusi ong•aniko aro namnikbeaniko, bak ra•enggipa sakantian parakangaha.
Indake, ia manianiko a•bachengatani salo sin•begipa somoi ong•genchimoba theatre-o dakmesokaniko nina namnikgipa manderang bang•an re•bae bak ra•angaha.
Na·simang ia video-koba nina man·gen:
Na·simang iakoba poraina man·gen: Tura Youth League-ni final-ko Chipakkore FC aro Rongkhon Sporting dolni gisepo kal•gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
