Tura, April 25: Tura-ni Police Parade Ground-o chang 3-gipa P. A. Sangma Memorial Day & Night Cricket Tournament-ko oong·atani 3-gipa salo kal·susaanirang bilsugrikenba bilgribatgipa dolrang sirikenba nambatgipa dolrang doangaha.
Ia kal·susaanio Troublemakers aro SP XI dokrangni kal·susaanian ong·aiaha maina iano dolgnian 52 run-rangko man·enba, super over-ona sokataha. Troublemakers dolrang super over-0 16 run-rangko man·engon, SP XI run 15-kosan man·rikaiaha. Iani gisepon, Troublemakers dolni Cavour Marak, Player of the Match title-ko cheangaha.
Gipin kal·susaanio, KD Titans bilsubee Anggri Boys baksa susaaniko dakangaha, indake KD Titans over 10-o wicket 2 baksana 128 run-rangko man·an jeon Dim Sangma, rong 27 ball-rangoniko 45 run-rangko man·rikaha. Anggri Boys-rang 6.1 over-rango 34 run-rangko man·e pilakan kal·susaanio sirikaiaha. KD Titans-ni Aisak R Marak, over 3-o sak 6 wicket-rangko ra·ahani gimin Player of the Match title-ko man·angaha.
Ia kal·susaanio gipin chegiparangara, SP XI A ong·a, jean Gara Ganching-ko 185 run-rangchi amataha, indake iano SP XI-A-ni Shoriful Islam Khan, Player of the Match title-ko cheangskaaha. Phoenix 7, Rongkhon Legend-rangko wicket 6-chi amataha, jeon Phoenix 7-ni Jaydip Hajong, Player of the Match title-ko man·angskaaha. Shallang Super Cops, Duram Warriors-ko 57 run-rangchi amataha aro Shallang Super Cops-ni Ravin Songre Marak, Best Player of the Match title-ko cheangskaaha.
Hill View Club Jenggitchakgre, Abri Jarek-ko 3 wicket-rangchi amataha, aro Hill View Club-ni Walseng, Player of the Match title-ko man·angskaaha. Cheram dol, GHTTA-ko 7 wicket-rangchi amatenba, Cheram-ni Bilrak, Player of the Match title-ko cheangaha. Burara United-A, Gorkha Youngstars-ko wicket 7-chi amataha jeon Bugara United-A-ni Deepak Saha, Player of the Match title-ko man·angskaaha.
Na·simang ia video-koba nina man·gen:
Na·simang iakoba poraina man·gen: BSF dolrang, ja 3-ni gisepo Meghalaya-Bangladesh sima ari jolo sak 115 manderangko niam pe·anina rim·aha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
