Tura, Nov 10: A•chikrangni dal•batgipa maniani chong•motan, sal 3-na ong•atanggipa chang 48-gipa dama bol 100-ko doke Wangala-ni Chibragre-ni a•brirango gam•chakean baksana an•saobee sonibar salo matchotangaha.
West Garo Hills a•jani, Chibragre-o Garo Heritage Village-ni Wangala a•dam-o 100 Drums Wangalani bon•kamgipa salo, bang•a chel•gipa a•songrang ba a•dokrang jekai, France, Belgium, Germany, Canada, Tamil Nadu, Pune, West Bengal, aro Assam a•dokrangoni re•bae A•chik jatrangni dakbewal rikbewalrangko re•bae nianiko nikna gita man•aha.
Ia salko maniani mongsongbatgipa bakde uan, dingtang dingtang biaprangoni dol 10 wangalgiparangni wangalsusaanian ong•aha, jeon West Garo Hills a•jaoni Gondenggre, Sadolbra, Chibragre, Chidaogre, Dalbenggre, Mikalbra songrang baksana, East Garo Hills-ni Rapdikgre, North Garo Hills-ni Wanokdamgre aro South West Garo Hills a•jani Chepagre aro Bangkabra songrang wangalanio bak ra•angaha.
Ia bilsi wangalsusaanio, skanggipa biapko Chidaogre , 2-gipa biapko Gondenggre aro 3-gipa biapko Dalbenggre song man•angaha.
Ia Wangalaniara, A•chikrangni mia misi akman tetmano pattigipa ra•rongipa misi saljongna mitelpilskaani gita chrok mesae maniani ong•a.
Dama bol 100-ko doke Wangalani bon•kamgipa salna salsa skang, mongsonggipa jatni dakbewal chong•motan, Rugalaniko Nokma-ni jakchi dakronga, jean pattigipa ra•rongipa mite misi saljongna, dingtangmancha mioniko tarigipa chu bitchi baksana, song•gimin mi aro game ge•e man•gimin mesu samjakrangko on•anga, indake salgipino nokdringni krongo sa•sat so•aniko dakangskaa.
Skang chasongni mingsingbaenggipa, Pa Millickson K Sangma sagini tarigipa git “Dimdim Dimchong Dadi Chong”-ko ia maniani sal 3-ni bakon salantin ring•aniko dakangaha.
India Sorkarini, Minister of Tourism, North East-ni Regional Director, Anil Oraw, mongsonggipa sokgipa ong•e aganengon, A•chik jatni dingtangmanchagipa daka rikaniko ripingna aro iandakgipa namgipa biaprango soka chakanikonon•a rakbee an•tangtangko on•kange kam ka•enggipa Wangala Committee-ni member-rangko mittelan baksana kusi ong•chakani kattarangko aganangaha. Iandakgipa jatni an•saogipa manianirango bakko ra•china gita pilakkon didiataniko dakengon, chadamberang mongsongbate saliram-chipako nina jotton ka•bata, indiba an•chingni ma•gitcham pagitchamrangni daka rikanirang namen gamchatbatgipa ong•a unigimin an•ching uarangko ja•rikna aro ripingna nanga ine aganangan baksana jatni maniani gamchatani bidingo talataniko dakengon, re•baenggipa bilsirango Tourism Ministry-ni gita ua dakchakanirangko on•anggen ine ku•rachake ra•angaha.
North East Zone Cultural Centre (NEZCC)-ni Director, Ministry of Culture, Prasanna Gogoi, tom•aniona dal•gipa sokgipa ong•e aganprakaniko dakengon, an•chingni ong•bachengani aro an•chingni ma•gitcham pagitchamrangni dakbewal rikbewalko an•ching gualna nangja batesa uarangko ripingna aro skie ra•na nanga ine aganangan baksana mikkangchi ia manianirangko chubata gadangona sokatna gita krenge kamko ka•na nanga ineba didianiko dakangaha.
West Garo Hills-ni Deputy Commissioner, Jagdish Chelani-ba, tom•niona sokbagiparangba A•chikkuchi aganprakna jotton ka•angan baksana Wangala-ni gamchatani aro miksongani giminba aganangaha.
Wangala Committee-ni Chairman Ronald Rikman Sangma, Wangala ian A•chikrangni dal•batgipa maniani ong•a ine aganangan baksana, Wangala festival-ni dakbewal rikbewalrangko talatangenba, an•chingni ma•gitcham pagitchamrangni dakbewal rikbewalrangko ripinganio an•ching sakantian on•gilpagiparang aro dakchakaniko on•pagiparang ong•na nanga ine ku•pattianiko on•angan baksana ia manianiona sokbagipa pilak dilgiparang aro nama skaniko on•atgiparangna mittelpilskaaniko dakangaha.
Department of Tourism-ni gita Wangala A•dam, Chibragre-o ong•atanggipa, Krimkro Music Festival 2024-ni gnigipa bak-o mingsinggipa git ring•giparang jekai Riprap, Da Suraka,
Na·simang ia video-koba nina man·gen:
Na·simang iakoba poraina man·gen: GSMC Southern Zone, Wangala-ni salo dingtang dingtang kamrangna typing test ong•atanina DSC-ni kosako jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
