Tura, Dec 2: Sports & Youth Affairs -ni Director, Isawanda Laloo, IAS, 2024 bilsini January jani 15 tarikoni 21 tarikona Turao ong•atnasienggipa Meghalaya Games-na tarisamsoanirangko November 30 tariko nirokaniko dakangaha. Ian a•doko chang 5-gipana Meghalaya Games ba kal•susaaniko ong•atani ong•a aro skanggipa changna Tura-o sokachakani ong•achim.

Indake iani gisepon, West Garo Hills a•jani Deputy Commissioner, Jagdish Chelani, unbaksana Superintendent of police, Abraham T Sangma aro gipin official-rangni dongpaanio, December 1 tariko tom•e chanchirimaniko dakangaha.

Sports & Youth Affairs-ni Director, Isawanda Laloo, IAS, ia tom•e chanchirimaniko dakdilanganina Deputy Commissioner-ko mitelpilskaaniko dakangaha aro ia kal•susaani, pangna ong•atana bate dal•batgipa ong•gen ine ka•dongsoaniko parakatan baksa ia kal•susaanio sak 2,900-na batpile kal•susagiparang, coach-rang aro manager-rang bakko ra•anggen ine aganangaha. Indake ia kal•susaaniko ong•atanichi a•dokni manderangna saksa sakgipin baksa meli nangrimgrikanina aro u•i ma•sigrikna gita cholba ong•a ine ua agandapataha.

Iakoba poraie nina man·gen: Shillong-o Water Heritage Fortnight-ko ong•ata