Tura, Jan 21: A•dokni gipin bakrango gitan, chang 53-gipa Meghalaya Statehood Day ba a•dokni jakgitel ong•aniko Tura-ni DC Park-o maniangaha, jeon West Garo Hills a•jani Deputy Commissioner Jagdish Chelani mongsonggipa sokgipa ong•e bak ra•angaha. Ia manianiko West Garo Hills, Tura-ni District Administration ong•atangaha.
Ia manianio Deputy Commissioner Jagdish Chelani jinmana aganprakengon, Meghalaya a•dokko jakgitelgipa ong•atna ja•ku de•anio dilgiparang, chong•motan, Captain W. A. Sangma, B B Lyngdoh, Hopingstone Lyngdoh aro gipin dilgiparangni a•dokko jakgitelgipa ong•atna on•kange kam ka•angani gimin nipilate aganan baksa, South West Garo Hills a•jao rikgipa Captain Williamson State University-ko nokdonggani gimin janapangaha.
Tura Government College-o Department of History-ni Associate Professor ong•enggipa Jessica A Sangma, Meghalaya a•dokni Assam a•dok baksa bakrimaoni a•dokko ma•eke bimang ong•atani itihas-ni gimin talate on•angaha. Indake, a•dokko ma•eke jakgitelgipa ong•atchina ja•ku de•engon, a•songni Prime Minister Jawaharlal Nehru-na memorandum-ko Wilson Reade-ni padot ong•e dilanichi Khasi National Durbar 1952 bilsio on•aha, 1955 bilsio Hill Leaders, 1968 bilsini September 10 tariko APHLC-ni jingjengataoni 1969 bilsini September 15 tariko Assam Reorganization Bill-ko parakataona aro Prime Minister Indira Gandhi-ni 1970 bilsini April 2 tariko Meghalaya Autonomous State-ko Garrison Ground Shillong-o oprake on•ani aro 1972 bilsini January 21 tariko chu•gimik a•dokni jakgitel ong•aniko Prime Minister Indira Gandhi-ni Polo Grounds, Shillong-o oprake on•ani bidingo talate on•angaha.
Indake, Hill State Movement-ni somoio Health Service and Student Volunteer-ni Joint Director ong•anggipa Dr. Cintholina B Sangma-ba, ua somoirango uni aro a•dokni manderangni ka•sae dakchakaniko aro a•dokni jakgitelanina krenge kam ka•anio cha•totgiminrangko jinmana parakataha.
Unbaksana, me•a aro me•chik ong•anio mikkang niteaniko gimaate me•chik bi•sarangni atchianiko maming champengani gri uamangna lekka pora skianiko on•a, uamangna ka•sana aro a•songo bilgnange songdong a•chagipa ong•na nirok simsakna ku•mitchetna aro Beti Bachao Bati Padhao-ni bidingo a•songni manderangna gipatbo ine mongsonggipa sokgipa aganaha.
Una agreba ia manianio, Rhythm School of Music-ni gita a•songna ring•mitelani aro ABDK,Garo Baptist Church,Tura-ni General Secretary Rev. Dilseng M Sangma-ni dilanichi Tura Dance Academy a•songna chrok mesaaniko dakangaha
Na·simang ia video-koba nina man·gen:
Na·simang iakoba poraina man·gen: JJM-ni kamko chu•sokatanina Ganol A•pal VWSC-ni secretary-ko New Delhi-ona okama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
