Shillong, Oct 26: A•doko na•tok jile cha•enggiparangna, Fisheries department-ni gita changdokgipa State Aqua Fest-ko Budbar salo, Shillong songjinmani State Central Library-o ong•atangaha.

Ia Aqua Fest-ko ong•atanio dingtang dingtang department-rang, self help group (SHG)-rang, NGO-rang, game ge•e cha•giparang aro bading chiwalgiparangba bakko ra•angtokaha aro an•tangtangni jilenggipa na•tokrangko mesokna aro palna gita cholrangko man•aha.

Ia State Aqua Fest-ko ong•atani bidingo Meghalaya Farmers (Empowerment) Commission-ni Chairman KN Kumar, jinmana talate on•angengon, a•doko na•tok jilanichi bading chiwalaniko tang•doatna gita ia program-ko ong•atenga aro ian bading chiwalgiparangnasan ong•aigija bree cha•enggiparangnaba apsan tom•chimonge na•tok man•aniko tang•doatna on•enggipa chol ong•a ine parakataha.

Ia aqua fest-ko ong•atanio, na•tok gran, na•tok achar, na•kam aro dingtang dingtang rokomni na•tokrangkoba dingtang dingtang dolrang, manderangna mesokna aro palna sim•na gita cholrangko man•aha.