Jowai, Jan 25: Chang 6-gipa Meghalaya Games 2025, Jowai-o donggipa Kiang Nangbah Football Stadium-o matchotaha aro ia chango, ge 381 medal-rangko man•e East Khasi Hills a•ja chegopgipa ong•aha.
Ia Meghalaya Games 2025-o a•dokni dingtang dingtang bakrangoni sak 3500 kal•susagipa dolrangko chimongaha aro ming 29 kal•susaanio susaaniko dakangaha.
Indake, ia Games-ko matchotatani somoio, Deputy Chief Minister Sniawbhalang Dhar mongsonggipa sokgipa ong•aha aro unbaksana Sports Minister Shakliar Warjri, dal•gipa sokgipa ong•e bak ra•angaha. Una agreba MLA Weiladmiki Shylla aro Meghalaya State Olympic Association (MSOA)-ni President John F. Kharshiing-ba ia tom•anio dongpae bak ra•angaha.
Ia tom•anio Dhar jinmana aganprakengon, ia chang 6-gipa Meghalaya Games-ko chu•sokgipa ong•atna man•ahanina mitelpilskaaniko dakangan baksa National Games-koba sokachakna bil donggiparang ong•a ine parakataha. Unbaksana, MDA sorkarini ning•o Sports Department-ni gita tangka paisa aro rika cho•ani mongsongbate, India a•songo dal•batsranggipa Mawkhanu Football Stadium-ko a•doko rikna man•ani aro Meghalaya a•doko robol kal•susaani skotong songjinma ine bimungko man•anio Sports Department-ni rake kam ka•ani bidingoba ua talataniko dakaha.
Indake ia Games-o, East Khasi Hills, ge 149 gold, 105 silver aro 127 bronze medal-rangko man•e chegopgipa ong•aha, West Jaintia Hills ge 108 medal-rangko man•e gnigipa biapko man•aha aro Ri-Bhoi ge 104 medal-rangko man•e gittamgipa biapko man•skaaha.
Una agreba, ia kal•susaanio skanggipa changna sak 7 para-athlete-rang chong•motan be•en bimangni gita neng•nikaniko man•gipa manderangba skanggipa changna bak ra•angaha aro jatni kal•susaanirang jekai, An•ding Oka kal•susaanio mongsongbate sak 87 chadamberang bak ra•angtokaha.
Indake ia manianio, “U Kiang” aro a•dokni matburing, Clouded Leopard ba matchapengni bimangkoba mesokangaha aro Meghalaya anthem aro theme song, “Niom Beit Naphang” gitko jinma ring•mitele matchotataha.
John F. Kharshiing, Meghalaya Games-ni dingtangroroaniko janapengon, 2020 bilsio ming 14 kal•susaanirangko kal•baoni ming 29 kal•susaaniko ia bilsio kal•ani gimin aro unbaksana, ia bilsio para-sports-ko kal•chengani gimin aro nambatgipa gadangona sokdona gita gisik nange krengna nangchongmotani gimin aganangaha. Unbaksana, iano medal man•giparangna, sports scholarship aro tangkako boksis man•anggen ineba ua janapataha.
Uasan ong•aigija, ia Meghalaya Games-o, didiani golporangkoba agananiko dakangaha.
Na·simang ia video-koba nina man·gen:
Na·simang iakoba poraina man·gen: Urkaliar-o napchengani cholguga aro pakma tarigiminko oprake on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
