Shillong, Jan 11: Chang 6-gipa Meghalaya Games a•bachengnasiengon, kal•susaani biaprangko Jowai tarisamsoengaha aro ia tarisamsoanio aditan matchotaha.
West Jaintia Hills a•jani District Administration aro ia kal•susaaniko ong•atenggipa dolrang, ia kal•susaaniko a•bachengoni matchotaona name chu•sokna man•a gita kal•susaenggipa dolrangna pilak nangnikanirangko on•anggen ine ku•rachakaniko on•ataha.
Ia chang 6-gipa Meghalaya Games-o ming 29 kal•susaanirang donggen aro ia kal•susaaniko January 20 tarikoni 25 tarikona ong•atanggen. Indake minggni kal•susaanirangko Shillong-o ong•atanggen chong•motan, Swimming ba chio jrosusaaniko Shillong-ni Caroline Swimming Pool-o aro Golf kal•susaaniko Laitkor-ni Assam Rifles Golf Course-o ong•atangskagen. Gipin kal•susaanirang jekai, Archery, Arm wrestling, Athletic, Badminton, Basketball, Boxing, Cycling, Football, Gymnastic, Judo, Karate-Do, Kho-Kho, Muay Thai, Shooting, Softball, Sports Climbing, Table Tennis, Taekwondo, Lawn Tennis, Volleyball, Weightlifting, Wrestling, Wushu, Roll Ball, Yogasana, Lawn Bowling aro jatni kal•susaanirangko Jowai songjinma, Wahiajer aro Khliehtryshi-ni dingtang dingtang bakrango kal•anggen aro iano sak 3899 kal•susagiparang bak ra•anggen.
Ia chang 6-gipa Meghalaya Games-ko January 13 tarikni salni 1 bajio, Jowai-ni District Library Auditorium, Mynthong-o Sports and Youth Affairs-ni Minister, Shakliar Warjri aro dal•gipa sokgipa MLA aro MUDA-ni Chairman ong•enggipa Wailadmiki Shylla-ni jakchi a•bachengatgen.
Na·simang ia video-koba nina man·gen:
Na·simang iakoba poraina man·gen: Colonel C. K. Nayudu Trophy match-ko Tura-o sokachakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
