Tura, Sept 05: India a·song gimikchi skigiparangni salko maniangengon, West Garo Hills-ni Department of Education-ba apsandake, Mongolbar salo Tura-ni District Auditorium-o chang 62-gipa Teachers Day ba Skigiparangni salko maniangpaaha aro salni programona mande ra·ako man·na kragipa sokgipa Tura, ICFAI University-ni adviser Dr Viola Sonatchi B Sangma baksana a·jani DC, Pa Jagdish Chelani mongsonggipa sokgipa ong·e bak ra·angaha.

Skigiparangni salko manianio, dingtang dingtang skulrango skie on·enggiparangna award-rangkoba ong·angaha aro salni programo, a·jani dingtang dingtang skulrango poraienggipa chatro-chatrirang aro skigiparangba bakko ra·angtokaha.

Unomiting, tom·ao mande ra·ako man·na kragipa sokgipa Sonatchi B Sangma, jimana aganprakangengon, chatrorangko mande ong·atgipa aro mikkangchina tarisamsogipa skigiparangan ong·a ine aganenba, skigiparang dingtang dingtang dakgipa kamko ka·na nanga baksana skie ra·enggiparangna bate uamangan poraibatna nanggiparangba ong·a, aro skigiparangan a·songko rikgiparangba ong·a ine parakataha.

Programona mongsonggipa ong·e sokgipa, a·jani DC, uni skulo skie ra·miting somoio uni skigiparangna aro uni janggi tanganina maidakgipa dingtanganirangko ra·baahachim uko janapangskaenba, Meghalaya a·dokni ning·o lekka-porani a·bao bang·en namdapatna nanganirang dongengkuani gimin agananga baksa, songsalo aro poraigipa chatro-chatrirangni mikkangchi mande ong·gnina bang·en on·gilanirangko dakahani gimin salni programo dongpagipa skigipa sakantikoba dingtangmancha mittelpilangaha.

Uni agananganio, a·jani DC, competitive exam-rangna coaching class-rangkoba ru·utgijan a·bachengate on·anggnikoba jinmao u·iatangjolaha.

Iakoba poraie nina man·gen: Joloni saksa bading-chiwalgipaoniko tangka dabidrae ra·anina Assam-o saksku police-rangko rim·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub