Tura, July 7: 6-gipa changna ong·atgipa Friendly Motocross Challenge 2024 ia jani 5 aro 6 tarikrango West Garo Hillsni Molmegre songo mileng miltak matcha randinga randinga ong·angaha. Uko Durama Motorsports and Adventure Club ong·ataha aro Garo Hillsni dingtang dingtang bakrangoni sak 30 susagiparang bak ra·aha.

Dingtang dingtang gadang aro rokomni susaanirangko ong·ataha — Beginners, Novice, Expert, 2 Stroke, Open, Scooty, aro Legend. A·dubek dakgipa biapo motorcycle aro scooterrangko salsusaon nie rona namen an·saobeaha.

Susaanio mongsong niksenge chadenggiparanga Bajongni Salgira T Sangma, jean Beginners aro Novice susaanirango skanggipa ong·aha; Molmegreni Evander M Sangma, jean Expert aro Open susaanirangko amgopaiaha. Tenzy Sangma dingtang dingtang rokomni susaanirangon choligipa ine nikaha maina ua Stroke-o skanggipa, Open-o 3gipa aro Legend susaanio 2gipa ong·aha.

Dingtang dingtang rokomrangni susaanirango chegiparang indake ong·a:

Beginners :

1. Salgira T sangma (Bajong)
2. ⁠Kanan Sangma (Gambegre)
3. ⁠Heyko Momin (Tura)

Novice:

1. Salgira T sangma(Bajong)
2. ⁠Rakkim Marak(Tura)
3. ⁠Ezikiel sangma (Tura)

Expert:

1. Evander M sangma (Molmegre)
2. ⁠Chengseng ch marak
3. ⁠Ringran M sangma

Stroke:

1. Tenzy Sangma
2. ⁠Rangrang sangma
3. ⁠Apnine dangma

Open Category:

1. Evandar M Sangma
2. ⁠Chengseng ch marak
3. ⁠Tenzy Sangma

Scooty:

1. BendKelyan Sangma
2. ⁠Balkim Marak
3. ⁠Evan D sangma

Legend :

⁠Natash Yuvraj

Tenzy Sangma

“Chinga indakgipa susaaniko bilsio chang 3 ba chang 4 ong·atronga. Ian mongsongbate tourismko ra·dona miksonganio ong·bata. Dingtang dingtang a·dokrangni manderangni an·chingni a·dok chigako nikaniko, an·chingni jatko grongeaniko aro Garo Hillso motorcyle salanichi wa·sae dake roeaniko chinga nangnika” ine clubni member Huberth D Sangma Hub Networkna dingtangmancha aganaha. “India a·songni dingtang dingtang biaprangoni motocycle salgiparang susaaniko ong·atnaba chinga kamrangko ka·enga, uni bidingo chinga ru·utgijan u·iatgen” ineba ua agandapaha.

Garo Hillso indakgipa susaanirangko bang·en nikroroenga. Ia ka·grak ong·ani rasongko man·na motorcycle salsusana ka·donggiparang bilsigimikan gisik nange aro rake ranta ka·rongenga. Ia jolo motorcyle clubrang bang·ja indakgipa susaanirangko ong·atanian uamangni gisepo meli-nangrimani aro susarimani cholrangko ong·ata.

Na·simang ia video-koba nina man·gen:

Na·simang iakoba poraina man·gen: Garo Hillso Congressko BJPni kal·akanina Salengni gro chotskaani ong·aha: Pala

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub