Shillong, Mar 25: Changsnigipa Act East Business Show-ko ia chang Meghalaya a•doko sokachakenga aro ia program-ko Mongolbar salo a•bachengataha.
Ia Act East Business Show-ko salgro salaram jolrango pangkamgipa namroro silroroaniko ra•bana gita ong•atenga aro iano ASEAN a•songrangoni delegate-rang, bading chiwalgiparang, biaptangtangoni watatako man•giparang aro sorkari official-rangba bak ra•enga.
Ia changsnigipa Act East Business Show-ko a•bachengatanio, Meghalaya a•dokni Chief Minister Conrad K Sangma, tom•anio bak ra•giparangna aganprakangengon, a•dokna aro a•songna namroro silroroaniko ra•bana gitade, dingtang dingtang a•dok aro a•songrangni gisepo bakrime kam ka•anirang dongna nanga ine parakataha.
Iandakgipa program-rango apsan bak ra•aniara mikkangchi dingtang dingtang kamrango ku•mong nangrimaniko rakkina dakchakaniko on•a ineba ua aganaha.
Meghalaya a•dokni economy ta•raken dal•rorobaenga ine janapatengon, a•dokni GDP da•o 13.5 percent ong•ahani gimin national average-na batangaha ine Chief Minister aganaha.
Ia chu•sokaniara, nisan gnang kam ka•ani, somoirangko donani aro a•dok baksana a•songni gadango dilgiparangni miksongani gnang kam ka•aniko mesokani ong•a ineba ua aganaha.
Salgro salaram jolrango dingtang dingtang jatrang songdong a•chatokani gimin Act East Policy-ko chu•sokatanio, joltangtangni bewalrangchi kamrangko ka•na nangengani giminba Sangma aganangaha.
Salgro salaramni pilak a•dokrangan dingtang dingtang a•song aro biaprang baksa nangchapgipa ong•a ine janapatengon, Meghalaya aro Bangladesh a•songni gisepo bakrobegipa simarang dongani gimin sima gita kamrangko ka•rimna man•a ine Chief Minister aganenba, salgro salaram jolni gipin a•dokrangba Myanmar ba Southeast Asia-ni gipin a•songrang baksa apsan daken bakrimanio bilakgiparang ong•skaa ine parakataha.
Na·simang ia video-koba nina man·gen:
Na·simang iakoba poraina man·gen: Community Science College-o ong•atenggipa workshop-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
