Agartala, Dec 21: Sonibar salo, North Eastern Council(NEC)-ni chang 72-gipa Plenary Session-ko Agartala-o ong•atangha aro ia tom•aniko Union Home Minister Amit Shah dakdilangaha.

Ia Session -o, salgro salaram a•dokrangni Governor-rang, Skotong Minister-rang aro Deputy Chief Minister-rang aro unbaksana, Union DoNER Minister Jyotiraditya Scindia aro una dakchakpagipa Sukanta Majumdar dongpae bak ra•angaha. Ia tom•anio rika cho•ani project-rangko aro gipin namroro silroroatani kamrangko nipiltaianiko dakanggen.

Una agreba, salgro salaram a•dokrango narikeloniko to tariani, Bangladesh aro Myanmar a•songrangni sima ari rango chel•chaksoenggipa dolrangko bariatani, bijoliko on•ani aro a•dokni gisik nanggipa manderangko ra•doani gimin chanchirimanganiko dakgen.

Indake ong•engon, Bangladesh a•songo Hindu jatrangni kosako ka•enggipa kamrang aro Manipur a•doko so•sojengjeng ong•engani gisepo tom•tomaniko ra•bana gita Tripura aro Bangladesh sima ari rango sak 10,000 mangna batpile chel•chaksoenggipa dolrangko donataha.

Tom•anio Union DoNER Minister Jyotiraditya Scindia aganengon, batanggimin ja 12-ni gisepo chu•sokatgimin kamrangni bidingo nipiltaianiko aro mikkangchi namroro silroroanina tarisamsoniko nipiltaianiko dakanggen ine aganaha.

Ian 2008 bilsio Agartala-o NEC Plenary Session-ko ong•ataoni gnigipa changna ong•engaha, maina Shillong aro Guwahati -osa ia Session -o ong•atrongenga ineba ua janapataha.

Ia salgittamna songreanio, Union Home Minister Amit Shah, ia Session-na agreba National Cooperative Conference aro Robibar salo Dhalai a•jao ong•atenggipa Reang Tribal Settlement Camp-o bak ra•anggen.

Ia NEC Plenary Session-ko, 1971 bilsio a•bachengataha aro 1972 bilsio gitcham Prime Minister Indira Gandhi oprake on•chengaha. Indake da•o ong•atenggipa Plenary Session-ara, Prime Minister Narendra Modi-ni a•bachengatgipa PM-DeVINE Scheme-rangko salgro salaram a•dokrango chu•sokataniko nipiltaiani bak ong•a.

Na·simang ia video-koba nina man·gen:

Na·simang iakoba poraina man·gen: Arunachal Pradesh-ni Palin gital do•o goani slai museum-ko man•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub