Guwahati, Dec 6: Bristibar salo, chang 9-gipa Brahmaputra Valley Film Festival (BVFF)-ko, Guwahati-ni Jyoti Chitraban Film Studio-o a•bachengataha. Ia sal 4-na ong•atenggipa tom•bimonganio bang•a jawilwat namnikgiparang aro jawilwat tarigiparang baksana jawilwat kal•anio namen mingsingbegipa manderangba re•bae bak ra•angpaaha.
Ia Festival-ni Director, Tanushree Hazarika, tom•anio aganengon, BVFF, ian ning•tubegipa golporangko ra•bana dakchakan baksana jawilwat-ni a•bao ning•tubegipa agan-golpogrikanirangna didianiko ra•bana dakchakgipa ong•a. Ia bilsio ra•baenggipa jawilwat-rang a•songni dingtang dingtang biaprangoni jawilwat tarina sapgiparangko mesoke on•ani ong•enga.
Ia program-ko ong•atanio, ming 20 susaenggipa aro ming 10 susagijagipa jawilwat-rangko man•chape ming 30 jawilrangko ra•baenga. Iano ming 13 feature film ba jawilwatrang, ming 5 documentaries ba kakket ong•a obostani bidingo jawilwat tariani aro ming 12 kan•dikgipa jawilwatrang jean Indian Cinema-ni gita ning•tue golporangko dakmesokachi u•iatani bewalko mesokani ong•a.
Iasan ong•aigija, ia tom•bimonganio jawilwat nina namnikgiparang aro jawilwat tarigiparangko gisiko nangbatatna aro didianiko on•a gita masterclass-rang baksana industry session ba industry-ni gimin skie on•anirangkoba dakanggen.
Ia festival-ko ong•atani mongsonggipa bakde uan ru•uta somoirangna manderangni ka•oksie senge dongenggipa, namen mingsingako man•gipa Director, Shoojit Sircar baksana jawilwat tarianio namen mingsingako man•gipa Ronnie Lahiri-ni tarigipa, “Sardar Udham” jawilwat-ko skanggipa changna theatre-o mesokani ong•enga. COVID-19 sajinma saani a•sel ia jawilwat-ko theatre-o mesokna gita man•ningjaenba, BVFF-ni dal•begipa screen-o iako mesokangna gita chol man•engaha. Vicky Kausal-ni ia kal•gipa jawilwatara, Jallianwaha Bagh-o ong•a obostani jamano, Udham Singh aro uni kakket bichalna dakgrikani bidingo tarigipa golpo ong•a.
Uasan ong•aigija, re•baenggipa salrango mesokna sienggipa gipin mongsonggipa jawilwatrangara, Rima Das-ni tarigipa “Village Rockstar 2” aro Payal Kapadia-ni tarigipa “All We Imagine as Light” ingipa jawilwat ong•a.
Ia program-ko a•bachengatani salo, jawilwat tarinio namen mingsingbegipa Navdeep Singh, Ronnie Lahiri aro jawilwat kal•gipa Kopil Bora maangba re•bae mikkim gnangataha. Guwahati Police Commissioner, Diganyo Bora aro Tulip Mediworld-ni Founder aro Chairperson, Dr. Apurba Sarma-ba iano dongpae bak ra•angaha.
Indian folk-fusion singer ba gitcham gital gitrangko brine git ring•gipa Abhishruti Bezbaruah, git ring•anichi ia a•bachengatani attamni bako namen an•saobatataha.
Ia festival-o mesokchenggipa, Kenny Deori Basumatary-ni tarigipa Bibo Binanao (My Three Sisters) ingipa jawilwat, manderangni gisiko nangtikataha. Ia jawilwatara, bilsi 22 ong•gipa Mizi minggipa me•chik saksani, uamangni neng•nikaniko chagrongmiting somoio uni nogipa sakgniko aldumitangani gimin golpo ong•achim.
Ia program-ni 2-gipa salo, dingtang jawilwatrang jekai, Anil Amrut Bhalerao-ni tarigipa Chabila, Sumanth Bhat-ni tarigipa Mithya aro Mridu Pawan Bora-ni tarigipa Jobonsobi jawilwat ong•a. Iano mongsonggipa jawilwat mesokna sienggipara, Benoit Chieux-ni tarigipa French animated film “Sorrocco” aro “Kingdom of the Winds” ong•a.
Parthajit Baruah-ni tarigipa Jyoti Kokaideu, Vishwesh Suresh-ni tarigimin Two Trains, aro Akshay Singh–ni tarigipa Zende : The Supercop, iarangan mesokna sienggipa ong•a obostani bidingo tarigipa jawilwatrang ong•enga. Jawilwatni film critic Rajeev Masand, jawilwat kal•gipa Aiswarya Lakshmi, producer Dimpy Agrawal aro jawilwat tarigipa Tigmanshu Dhulia maang industry session-rang aro BVFF Reel Talk-rango bak ra•enba an•tangtangni u•i masianiko agane on•anggen.
Gipin niksenggipa manderang jekai, Tigmanshu Dhulia, Rajeev Masand, Sandeep Modi, Abhishek Chaubey, Anvita Dutt, Shreya Dev Dube, Sidhant Gandhi (Toosid), Leena Yadav, Sneh.
Na·simang ia video-koba nina man·gen:
Na·simang iakoba poraina man·gen: Manipur-ni Makuilongdi buringo 8.6 acre-rango niamgri ge•gimin poppy pulrangko nisigala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
