Jowai, Jan 21: Changdokgipa Meghalaya Games 2025-ko Mongolbar attamo, Meghalaya a•dokni Chief Minister Conrad K Sangma, Jowai-ni Wahiajer Stadium-o do•ga oe on•angaha.

Ia Meghalaya Games-ko a•bachengatanio, a•dokni dingtang dingtang a•jarangoni re•bagipa manderang, Wahiajer Stadium-o tom•chimongenba, ku•cholsan ong•aniko mesokna re•jomanio bak ra•angaha.

Ia kal•susaaniko a•bachengate on•anganio, a•dokni Deputy CM sakgni, chong•motan Prestone Tynsong aro Sniawbhalang Dhar baksana Cabinet minister-rang aro gipin dilgiparangba bak ra•angtokaha.

Ia Meghalaya Games-ko ga•subee a•bachengatanio, India-ona Ambassador ong•e re•bagipa Uzbekistan a•songni Embassy Sardor Rustambaev-ba dongpae bak ra•angaha.

Ia kal•susaaniko a•bachengate on•angengon, a•doko kal•susaanirangko nambatatna gita sorkari on•kange kam ka•enga ine Chief Minister parakataha.

Pilak a•jarangnan apsan ong•e bak rengsiko tikatna aro namroro silroroaniko on•na gita ia Meghalaya Games-ko a•dokni dingtang dingtang biaprango ong•atenga ineba Chief Minister aganaha.

Na·simang ia video-koba nina man·gen:

Na·simang iakoba poraina man·gen: Arunachal-ni naljokatgimin mongmarangko Gujarat-ona rimongkataniko a•bachengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub