Shillong, Mar 21: Schedule Tribe Chatro chatrirangni man·a nangkuenggipa Umbrella Scheme of Post Matric Scholarship-ko ma·mong sorkari watataha aro ru·utgijan ia Scholarship-ko uamangni account-o man·sognok ine Skotong Minister Conrad K Sangma, Sukrobar salo parakataha.
Ia Scholarship-ko watatani bidingo janapengon, ia Scheme-na sak 76,755 chatro chatrirang dorgastoko galaha aro ia Scholarship-ni skanggipa installment-ni gong crore 42.32 tangkarangko, 2024 bilsini June 24 tariko watataha jeonikon sak 17,364 chatro chatrirang man·soaha. Indake uni gnigipa installment-ni gong crore 66.67 tangkarangko, 2024 bilsini November 20 tariko watataha aro iako sak 32,064 chatro chatrirang man·soaha aro da·alo bon·kam installment-ni gong crore 85.0779 tangkarangko watataoniko, man·a nangkuenggipa chatro chatrirang ru·utgijan man·sognok ine Sangma aganaha.
Indake, a·dokni chatro chatrirangna uamangni man·gni Scholarship-rangko somoi gita on·a man·a a·dok sorkari krenge kamko ka·enga ineba ua janapataha.
Na·simang ia video-koba nina man·gen:
Na·simang iakoba poraina man·gen: Assam-ni NHM-o kam ka•giparang 7th Pay Scale-ko dabie kam dontongata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
