Shillong, Jan 24: Hynniewtrep Youth Council-ni Education cell, a•dokni chatro chatrirangna scholarship-ko on•anio namen ja•man chakengani gimin, Schedule Tribe-ni ning•o ong•gipa chatro chatrirang jemangan pre-matric aro post-matric scholarship-ko “Umbrella Scheme”-ni gita man•a nangengachim, uamangna somoi gita scholarship-ko on•china a•dok sorkariko mol•molataha.
Education-ni Commissioner aro Secretary ong•enggipa Vijay Mantri-na seatgipa chittio, ia scholarship-ko on•anio namen ja•man chakengani a•sel a•dokni chatro chatrirangni lekka porako ra•anio adita neng•nikanirangko man•enga, maina badiaba chatro chatrirangde ia scholarship-on pangchake lekka porako skie ra•aniko dakenga ine janapataha.
Ministry of Education-ni Right to Information (RTI) Act-o pangchake, scholarship on•anio ja•manchakani a•selko sandion, Utilization Certificate-rangko Ministry of Education-na somoi gita on•jani gimin ja•manchakenga ine u•ina man•aha. Indake mikkangchi scholarship-ko on•anio ja•manchakjana gita ia on•a nanggipa certificate-ko somoi gita Ministry-na submit ka•chinaba ia chittio mol•molataha.
Una agreba, ia scholarship-ko on•anio maming champengagri on•a man•a gita name niroknagipa scholarship cell-ko Education Department-o songchinaba HYC janapataha.
Na·simang ia video-koba nina man·gen:
Na·simang iakoba poraina man·gen: Rama a•samo bostu pale sim•e cha•enggipa dolrang SMB Office mikkango jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
