Boko,September 23: Robibar salo, TCPL packaging Limited aro Smile Foundation apsan nangrimenba, Chaygaon Industrial Growth Center-o Satabari songo donggipa manderangna free health check up camp-ko ong•atangaha, jeon tangka gri indin be•en bimang aro mikronrangko check up ka•an baksana kangal cholgrirangna indin chosmarangkoba suale on•angaha.
TCPL-ni HR Manager, Shyamal Dey, Satabari songo uamang skanggipa changna free eye check-up camp-ko ong•ataha ine aganengon, ia jolo donggipa sak 150-na batpile manderang mikronrangko check-up ka•enba saani kri samrang aro chosmarangkoba indin sualangaha ine aganangaha. Uamangni ong•atgipa Medical camp-rangoni ian 18-gipa camp ong•atani ong•genchimoba, mikron check up ka•anide ian skanggipa changna ong•enga aro manderangoniko chinga nambegipa bang•a ku•pattianirangkoba man•enga ineba ua aganangkuaha.
Boko-ni bilsi 27 ong•gipa, Dipak Nath, ia mikron check-up ka•anirangko namen nambegipa advance ong•gipa ostro-rangko jakkalesa porikka ka•e nianiko dakani gimin ua kusi ong•an baksana chu•ongnikbeaha ine parakataha,maina Boko jolo iandakgipa ostro-rang baksana gipin check up ka•anio jakkalgipa bosturang dongpajachim ine aganengon, salanti ua konta 8-na computer mikkango kam ka•na nangani gimin ua mikron check-up ka•na nangao ga•akachim ineba aganangaha. A•jao chu•onga gita specialist-rang dongjani a•sel mikron saon uamang Guwahati-onasa re•angna gita nangachim aro re•a doa, chosma ra•a dakon hajal 4 ba hajal 5 tangkarangde koros ong•baiachim, indake ong•engon, ia indin check up ka•e nianiko dakna chol on•aniara uni tangka bongnikosan jokata ong•ja indiba somoi bonatanikoba jokataha ineba u•iatangaha.
Opthalmologist, Dr. Pranamee Das, mikron check-up ka•a baksana mikronni gipin saanirangko check up ka•e nianirangko dakangaha, indake MBBS Dr. Inzamam aro MBBS Dr. Monica Devi, sak 100-na batpile manderangni gipin saa dinganirangko nianiko dakangskaaha. Smile Foundation aro TCPL, indin samrangko suale on•angan baksana anchi porikka ka•e niani aro pressure check ka•e on•anikoba dakangaha. Smile Foundation ian namroro silroroaniko ra•bana kam ka•gipa dol ong•a jean sak 3,00,000 kangal cholgri bi•sarang aro chadamberangna, ming 158 welfare project-rangni gita lekka poraianio, sanna bannanio, janggi tangani cholrangko on•angan baksana me•chikrangko bil gnangbatatanio aro India-ni dam 25 a•dokrango chelchakanirangkoba on•enga.
Na·simang ia video-koba nina man·gen:
Na·simang iakoba poraina man·gen: Shillong-o skigiparangna workshop-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
Download our app from playstore – Northeast Media Hub
