Tura, July 25: Sombar attamo, Tura jillao tanggitik golmal aro so·so-jengjeng ong·anganichi chelchakgipa doloni gimik sak 18 sipairang saknaa man·aha aro ianoni sak-chikkingde Meghalaya police-oni ong·a, saksa Home Guard Volunteer aro bangki saksniara Central Reserve Police Force (CRPF)oni ong·a ine West Garo Hills a·jani Superintendent of Police, Vivekanand Singh Rathore, Mongolbar salo koborna parakataha.

Iani bidingo a·jani SP, Hubnews koborna che·em-che·em talataniko on·angengon, mande jinmani ro·ong go·rurue chadrapani ja·man saknagipa sipairangko ambulance-o gate ra·angengmingo manderang Sora Complex sambao chadrapaha. Ia obostao ambulance garini mikkangni aina be·aha aro gari ning·o donggipa staff aro saknagipa manderangkoba uamang dokaha, indioba somoi gita dakchakaniko on·anichi saknagipa manderangko naljokatenba civil hospital-ona ra·angna gita man·aha aro ia obostao saksa PSO skoo mate jokkom ong·a baksana sakgipin WPSI jakpong be·ana agre rasong gnange darangba bilongbee jokkom ong·ade dongskajaha aro saknagipa gimikan hospital-o admit ka·na nangmangija an·sengtokpilaha ine SP parakataha.

Superintendent of Police-ni aganani gita, mande jinmani ro·ong goruruna a·bachengmitingo uamang obostarangko tom·tomatna gita kamko ka·chengaha aro chu·gimik tom·tomatna adita somoirangko nangaha, indiba ka·sinsinde halla ka·gipa manderangko ramarangoniko katatna man·aha. Iani gisepon, maming a·selko chagronga grian a·dokni skotong minister aro Williamnagar-ni MLA-ko noktangtangona name sokatangna gita man·aha.

CMO nok mikkango obosta ong·ani ja·man golmal ka·giparangoniko mitam manderangko social media gita watdoatgipa video aro noksarangko nie ma·siani ja·man jak donggiparangoni sak 19 mangko da·o police rim·aha. Ia manderangni kosako a·jani bil man·giparang Araimile Police Station-o mokordomako segatangaha aro uamangko kachario mikkang paatgen. Uandake, chel·chakgipa sipairangko, sorkarini garirangko aro ambulance -ko chadrapgipa bangki manderangkoba rim·na gita ning·tue ja·kol sananirangko dakatenga ineba ua parakataha.

ACHIK baksana gipin dilgiparang ua somoio skotong minister baksa agangrika matchosrangkujaon golmalrangko ong·ate chadrapaniko dakgipa manderang, dingtang dingtang ong·gijagipa kamrangko ka·anina dongimin niamrangni ning·o dosi on·aniko man·anggen aro uamangni kosako police, Unlawful Activities (Prevention) Act (UAPA)-chiba sinjetaniko on·angdapgen ine a·jani SP koborna agandapataha.

Iakoba poraie nina man·gen: Tom·tomaniko golmal ka·giparangni kosako kema dongjawa ine West Garo Hills-ni DC mikrakata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub