Shillong, Oct 23: Ia bilsini Cherry Blossom festival-ko Robibar sal man·chape ong·atna manchisoengani gimin dingtang dingtang dolrang jegalsotokengon, ia manianiko November 19 tariko ong·atgija gipin salo ong·atskachina gita mitam dolrang a·dok sorkario mol·molangskaaha.

Iani bidingo Khasi Jaintia Christian Leaders Forum (KJCLF) seachi u·iatangengon, a·dokna namgniko ra·bana gita iandaka manianiko ong·atengani kosakode ong·jaenga, indiba Christian bebera·giparangna aro gilja re·e Isolko olakigiparangnade Robibar salara dingtangmancha rongtala aro iako dal·e ra·na gita nanga ine uamangni jegalengani a·selko talatangaha.

A·doko tom·tomaniko ra·bana gita iandaka manianirangko maming champengani aro jaguatanirang grisa name tom·tome aro pilakni bak ra·anirang gnangsa ong·atna gita nanga ine Khasi Jaintia Forum uamangni nangnikanikoba janapataha.

Ia manianiko a·dok sorkari, re·baenggipa November 17 tarikoni 19 tarikona, chong·motan Robibar salo matchotate ong·atna gita manchiengachim ine nikatna gita man·gen.

Iakoba poraie nina man·gen: Ri Bhoi a·jao ‘AHOR 4X4 Off-Road Challenges’-ko ong·ata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub