Shillong, Oct 26: Ia bilsini Cherry Blossom festival-ko Robibar sal man·chape ong·atengani gimin dingtang dingtang dolrang raken jegalsotokengani gisepon, Robibar attamchibarasa ia festival-ko a·bachengskachina gita ong·atgiparangko a·dok sorkarini didiangani gimin a·dokni dakchakgipa skotong minister Pa Prestone Tynsong, Bristibar salo u·iatangaha.

Ia festival-ko ong·atengon, a·dok sorkari darangkoba gisik saatna miksongmanchae dakade ong·jachim ine janapatenba, ian salgittamni programsa ong·ani gimin basakoba Robibar saloni a·bachengnaba donga ba basakobade matchotatani ong·skanaba donga ine Pa Tynsong aganangaha.

“Giljarang ka·a matchotesa attamchibara 3 bajini ja·man ong·atskachina gita ianpako chinga skanggipa changna ong·atgiparangko didiahaoba, sakantikon chakchikpachina gita chinga mol·mola aro mikkang bilsionide darangnaba gisik saataniko ra·bajana gita man·adipet sal aro somoiko nigrike ong·atskana jotton ka·gen ine dakchakgipa skotong minister parakataha.

Manderangni aro dingtang dingtang dolrangni chanchianikoba chinga ma·sichaka aro ra·chaka, uni gimin nanga gita nigrike chinga kamrangko ka·ataha ineba ua agandapataha.

Iakoba poraie nina man·gen: Wa•al kamanirangko champengna tom•e chanchirima

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub