Williamnagar, Mar 31: A⋅chik a⋅songni ithihas-o skanggipa changna Williamnagar-o bilsi 12 ni ning•ao ong•enggipa bi•sarangna Chess kal•susaanio gisik nangatna gita Chess Workshop cum Coaching ba skie on⋅aniko ko District Sports Officer ma Babira G. Momin aro District Administration ni gisiko nang⋅e dakdilanichi March 31 tarikoni a⋅bachenge April 2 tarik-o matchotgen. Ia Workshop-cum coaching-o Williamnagar jolni dingtang dingtang school ni bisarang gisiko nangbee bako ra•tokenga.

Iano skie on⋅agita A⋅chik a⋅song-o Chess kal•anio niksenggipa aro Meghalaya a⋅dok gimik-o Chess kal•anio chubatgipa gadang-o dongenggipa Silkam A. Sangma aro Garo Hills Chess Association ni Organizing Secretary Pa Francis A. Sangma aro Bending G. Momin-mang sokbaaha.

Ia chess kal•aniko skie on⋅ani skanggipa salo East Garo Hills District ni Deputy Commissioner Pa Swapnil Tembe re⋅bae bi•sarangko chess kal•aniko gisiko nang⋅e skie ra⋅rikchina didiangaha.