Guwahati, August 9: Guwahati-ni Rukminigaon jolo donggipa G.S Road-o chi ban re•ani a•sel skonge dongenggipa chirangchi chagrongna nangenggipa neng•nikanirangko bon•atchina, Rukminigaon-o songdonggipa manderang dabianiko dakangaha.
Sorkari uamangni neng•nikanirangko namatna gita man•jaengon, uamangni tol•e ku•mikchetanirangko dontongatenba, chi ban re•aniko namatchina aro chi ban re•anio nangchakea man•gipa manderangna on•pilskaniko dakchina dabianiko dakangaha, inenba Rukminigaon-o songdonggipa saksa u•iataha.
Ia jingjengatgipa dolrang, segimin lekka paltakrangko ra•e jegalaniko dakan baksana GMC, PWD, Ashok Singhal aro Himanta Biswa Sarma-ni bimungrangko ra•enba a•boke jegalangaha.
Chi ban re•anichi, Guwahati songjinmani Rukminigaon, Hatigaon, Sijubari, Rajgarh, Anil Nagar aro gipin biaprangko chi mripaha.
SDRF dolrang, manderangna songre songabatna aro re•runa man•a gita ringrangko on•angaha.
Guwahati-o chi ban re•ani a•sel chagrongna nangenggipa neng•nikanirangko namatna gita man•jaha, inenba Assam sorkarini Cabinet Minister aro Urban Development Affairs-ni Minister Ashok Singhal-ba ku•chakaniko dakangaha.
“Ia ditdogimin chirang Guwahati-ni nalarang gita joke katna man•jaenga ine aganengon, ia skonge dongenggipa chirangara a•brirangko cho•ani a•sel Meghalaya a•dokoni jokbagipa chirangsa ong•achim,” ine Minister, media-na u•iatangaha.
Na·simang ia video-koba nina man·gen:
Na·simang iakoba poraina man·gen: Maharirangni robol kal•susaanio Cheran aro Dawa maharirang chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
