Shillong, June 28: Meghalaya a·dok gimiko chi banna re·achi aro a·a ruanichi pilak nosto ong·atako man·giminrangko taripiltaina tangka gong kror 300-de chu·ongjawa ine Skotong Minister Pa Conrad Sangma aganaha.

A·bachengo nosto ong·atgiminrangko hisape gong kror 300-ko chamachim indiba pilak nosto ong·ata man·giminrangko hisape nion chu·ongjawa ine nikaha. Anga Home Minister Amit Shah-ko grongeon, ma·mongni re·bae hisap kitap ka·gipa manderangko watate nangani kri tangkarangko chamgen ine Home Minister ku·rachakaha. Ma·mongoni re·bae nigipa dolrangko sengsoengon, a·doktangni dingtang dingtang department-ni dilgipako niroke kam ka·china aganman·aha aro a·doktangon chu·onga gita dakchakaniko on·a man·genchim ong·ode ma·mong sorkarinaba sengani dongjawa ine Pa Conrad Sangma kobor ra·timgiparangna aganaha.