Shillong, Jun 19: Batanggimin salrangonin mikkarang jimbee waenganichi a•dokni dingtang dingtang biaprango chirang banengahani gimin obostarangko nipilna gita Budbar salo, Meghalaya a•dokni Chief Minister Conrad K Sangma, dingtang dingtang department-rang baksa video conference gita tom•aniko ong•atangaha aro chi bananichi neng•nikanirangko man•enggipa manderangna nangani kri dakchakanirangko on•china ge•etangaha.
Ia video conference gita ong•atgipa tom•anio, a•dokni Revenue & Disaster Management Minister Kyrmen Shylla, a•dokni Chief Secretary DP Wahlang aro State Disaster Management Authority (SDMA)-ni official-rangba bak ra•angtokaha.
Ia tom•anio, dingtang dingtang a•jarango ong•enggipa obostarangko nipilangengon, mikrake kamrangko ka•china aro kenchakna nangbatgipa biaprangko nambate nirokjringchina gita Chief Minister, dingtang dingtang a•jani deputy commissioner-rangko didiangaha.
Pilak a•jarangnan nangani kri dakchakanirangko on•gen ine ku•rachakaniko on•angengon, compensation-rangko konta 48-ni gisepon on•na man•na gita kamrangko ka•china ua, dingtang dingtang deputy commissioner-rangko ge•etangaha.
Na·simang ia video-koba nina man·gen:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
