Tura, July 7: Garo Hills-ni a•kawe jolrango chi banenganichi bang•a manderangan neng•nikanirangko chagrongna nangtokengani gimin Sukrobar salo, Meghalaya a•dokni Chief Minister Conrad K Sangma, chi banenggipa biaprangko niangenba, neng•nikanirangko chagrongna nangenggipa manderangna pilak nanga dakchakanirangko on•china District Administration-ko ge•etangaha.
Chi banenggipa biaprangko nianganio Chief Minister baksana Selsella-ni MLA Arbinstone B Marak-ba dongpaaha aro uamang West Garo Hills a•jani Silkata, Haripur, Namabila aro uandakgipa songrangko niangaha.
Chi banenggipa biaprangko niangani ja•man kobor ra•timgipa manderang baksa agangrikengon, Garo Hills-ni a•kawe jolrango chi bananichi 30,000-mangni gita nokdangrang nangchakeaniko man•e neng•nikanirangko chagrongna nangtokenga aro ia nokdangrangna District Administration dakchakanirangko on•na jotton ka•enga ine Chief Minister parakataha.
Chi bananichi nokgri-jamgri ong•na nangenggipa manderangko District administration, relief camp-rangona apjitataha aro pilak nanga bosturangko on•enga ineba ua aganaha.
Da•o dipet ia jolrango chi bananichi janggi gimaanirangkode knana man•kujaenga ine janapatengon, obostarangko sorkari name nirikkienga aro nangani kri pilak dakchakanirangko on•na jotton ka•enga ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: IMD Assam, Meghalaya aro Arunachal Pradesh a•dokrangna bilongbee mikka waanina mikrakataniko on•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
