Tura, Mar 22: Garo Hills a·jao football aro cricket kal·susaanirangko chadamberangni kal·na gisik nangengani gisepon, chadamberangna gital kal·susaaniko ra·bana miksonganio skanggipa changna Kayaking Camp-ko Chibragre-o Tura Adventure Club-ni gita ong·atangaha.

Ia salsani camp-ko Meghalaya Canoe Association, Indian Kayaking & Canoe Association aro Directorate of Sports & Affairs Maghalaya nangrimenba, re·baenggipa Meghalaya Games 2027-o bak ra·gipa dolrangko ong·katatna man·a miksonganio ong·ataha aro iako ong·atanio Meghalayan Express aro Hub News dakchakaha.

Indake ia camp-ona Tura-ni dingtang dingtang school-rang jekai, Sherwood School, Learning Sanctuary School, Don Bosco Secondary School, St. John’s Higher Secondary School, Tura Public School, Nokrek Heights aro Embee Rose Bud Secondary School-ni sak 91 chatro chatrirang re·bae bak ra·angaha.

Ia camp-o kayak chosusaani theoretical aro practical demonstration ba choe mesokanikoba dakangaha aro iarangko a·dokni Kayaking team-ni coach Ian Vincent aro Meghalaya Kayaking Association-ni Secretary Sheela Vincent, jiksesa skie on·angaha.

Ia kayak choanio gital ong·e re·bagipa chadamberangna Chibragre-o ka·sine jokongipa chiringo skie on·angaha aro uamangkoba skanggipa changna kayak choe nianiko dakatangaha.

Tura Adventure Club-ni Joint Secretary Binny K Sangma, Hub News baksa agangrikengon, iano bak ra·gipa bi·sarang bang·batan Ganol aro Simsang chisamo roe dal·bagiparang ong·ani gimin chi nade uamang kenja aro ka·donggiparang ong·a, uni gimin ia bi·sarangna kayak chosusaaniko name skie on·genchimode mikkangchi uamangoni a·jatangna medal-ko man·bae on·a ka·dongsoenga ine aganaha.

Indake, ka·sine jokonba·enggipa chiringo bak ra·giparangni gisepo susagrikanikoba dakatangaha aro nambate skie ra·na gita Kyrdem Kulai-ona watatnaba mangsongenga aro uasan ong·aigija Garo Hills a·jaoba damsa Kayaking Institute-ko riknaba Club-ni gita miksonganirang dongenga.

Na·simang ia video-koba nina man·gen: 

Na·simang iakoba poraina man·gen: Meghalaya HC, Animal Cruelty Act-ko pe·gipa matchu bregiparangni kosako rakgipa ja·ku de·aniko dakchina ge·eta

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub