Tura, August 12: Meghalaya adokni Skotong Minister Conrad K Sangma, Chief Minister’s Youth Centre-ko West Garo Hills-ni Rongram block-ni ning•o Chibra Agal biapo, MLA Thomas A Sangma-ni dongpaanio sukrobar salo oprake on•angaha.
Chief Minister’s Youth Centre-ko songadamo dongenggipa chadamberangna an•tangtangni changa sapanio pangchake daka rikanirangko skie ra•chakna chol ra•ani, changa sapatangtangko mesokparakna aro uandake dingtang dingtang skie ra•anirangko dakchakna cholrangko on•na miksonganio kuliaha. Ian songni manderangna sepangbatgipa aro jakkaltobegipa centre ong•angchina miksonganio kuligipa ong•a.
Meghalaya-ni chadamberangna ian an•tangtangni nangnika ba namnikanio pangchake skie ra•anirangko dakna Chief Minister’s Youth Centre cholrangko on•anggen.
Sauramandala Foundation aro Project DEFY-ni gita ia Chief Ministerʼs Youth Center-rangko a•dokni dingtang dingtang bakrango kulie on•anggen.
Ia tom•anio Skotong Minister, iandakgipa apsan centre-rangko a•dokni gipin biaprangoba ge•80mang kulie on•anggen ine parakataha.
